قورعانىس مينيسترٸنٸڭ ورىنباسارى تاعايىندالدى
سۇلتان قامالەتدينوۆ 1965 جىلى 12 اقپاندا رەسەي فەدەراتسيياسىنىڭ استراحان وبلىسىندا تۋعان. تاشكەنت جوعارى تانك ۋچيليششەسٸن بٸتٸرگەن; تانكٸگە قارسى ەسكەرلەر ەسكەري اكادەميياسىنىڭ تىڭداۋشىسى; رەسەي فەدەراتسيياسى قارۋلى كٷشتەرٸ باس شتابىنىڭ ەسكەري اكادەميياسىنىڭ تىڭداۋشىسى.
ەڭبەك جولى: گەرمانيياداعى كەڭەس ەسكەرلەرٸ توبىنىڭ تانك ديۆيزيياسىنىڭ گۆاردييالىق تانك پولكٸنٸڭ تانك ۆزۆودى كومانديرٸ; تانك باتالونى كومانديرٸنٸڭ ورىنباسارى – شتاب باستىعى, تانك باتالونى كومانديرٸ, تانك پولكٸنٸڭ كومانديرٸ, مەحانيكالاندىرىلعان ديۆيزييا كومانديرٸنٸڭ ورىنباسارى – شتاب باستىعى, مەحانيكالاندىرىلعان بريگادا كومانديرٸ (1986-2005); «شىعىس» ٶڭٸرلٸك قولباسشىلىعى ەسكەر قولباسشىسى باسقارماسىنىڭ شتابى باستىعىنىڭ ورىنباسارى (2006-2008); «وڭتٷستٸك» ٶق ەسكەر قولباسشىسىنىڭ ەسكەري دايىندىق جٶنٸندەگٸ ورىنباسارى (01.2008-08.2008); «وڭتٷستٸك» ٶق ەسكەر قولباسشىسى باسقارماسى شتابىنىڭ باستىعى – قولباسشىنىڭ بٸرٸنشٸ ورىنباسارى (2010-2012); «استانا» ٶق ەسكەر قولباسشىسى باسقارماسى شتابىنىڭ باستىعى – قولباسشىنىڭ بٸرٸنشٸ ورىنباسارى (2012-2013); «استانا» ٶق ەسكەر قولباسشىسى (2013-2016); قر قورعانىس مينيسترلٸگٸ قارۋلى كٷشتەرٸنٸڭ قۇرلىقتاعى ەسكەرلەر باس قولباسشىسىنىڭ بٸرٸنشٸ ورىنباسارى (2016-2019). 2019 جىلدىڭ قازان ايىنان باستاپ قر تۇڭعىش پرەزيدەنتٸ – ەلباسى اتىنداعى ۇلتتىق قورعانىس ۋنيۆەرسيتەتٸنٸڭ باسشىسى بولىپ قىزمەت ٸستەدٸ.
