«Men de taiaq jedim. Búkil aýyl otqa oranǵan. Úidiń bárin órtep jiberdi. 10-ǵa tarta úige ot qoidy. Kúsh qurylymdary atymen joq. Aýylǵa aǵylyp kelip jatqandar uryp-soǵyp jatyr, zardap shekkender bar. Olar úi, kóliktiń bárin órtip - dúnieni tóńkerýde", – deidi Daýrov.
Al Májilis depýtaty Shakir Hahazov Dunǵan qaýymdastyǵynyń tóraǵasy artyq sóilep qoidy deidi.
"Daýrov? Ol tym kóp sóileidi. Masanchidegi ahýal Daýrov aitqanǵa uqsamaidy. Áli de anyqtaýdy qajet etedi. Ol kóp sóilep qoidy. Asyryp aityp jiberdi. Jańa ǵana (Daýrovpen) sóilestim. Ózi kórip bilmegen aqparatty taratpaýdy talap ettim. Jaǵdaidy baqylaýda ustaýdamyn", – deidi depýtat.
"Daýrov taiaq jegenin aitty ǵoi. Buǵan ne deisiz?" degen tilshi saýalyna depýtat "bul máseleni anyqtaityn bolamyz" dep qysqa qaiyrdy.
Budan buryn Qordai aýdan Masanchi aýylynda jappai tóbeles oryn alǵany habarlandy. Dalanews.kz redaktsiiasy oblystyq politsiia departamentinen bul oqiǵaǵa qatysty túsinik aldy. Politsiianyń habarlaýynsha, aýyl turǵyndary arasynda jappai tóbeles bolǵan. Politsiia kómegimen tóbeles toqtatylyp, jaǵdai baqylaýǵa alyndy.
Jambyl oblysy politsiia departamentiniń tergeý basqarmasy QR Qylmystyq kodeksiniń 293-baby, iaǵni "Buzaqylyq" boiynsha sotqa deiingi tergeýdi bastady. Tóbelesti shyǵarýshylar men oǵan qatysýshylar anyqtalyp jatyr, delingen habarlamada.
Al KTK arnasy tilshileri Jambyl oblysy, Qordai aýdanynda jergilikti turǵyndar tártip saqshylarymen jaǵa jyrtysqanyn habarlady.
Bul jaǵdai qazir áleýmettik jelide qyzý taqylanyp jatyr. Videoda bir top adam týysyn politseilerge bermeý úshin jantalasqanyn baiqaýǵa bolady. Tipti quzyrly oryn ókilderine qol jumsaýǵa deiin barǵan. Kópti shýlatqan azamat qandai zań buzýshylyq jasaǵany belgisiz.
https://youtu.be/Y5slZBin79s
https://dalanews.kz/50053
https://youtu.be/UBqIwb-ZD1A
