«مەن دە تاياق جەدىم. بۇكىل اۋىل وتقا ورانعان. ءۇيدىڭ ءبارىن ورتەپ جىبەردى. 10-عا تارتا ۇيگە وت قويدى. كۇش قۇرىلىمدارى اتىمەن جوق. اۋىلعا اعىلىپ كەلىپ جاتقاندار ۇرىپ-سوعىپ جاتىر، زارداپ شەككەندەر بار. ولار ءۇي، كولىكتىڭ ءبارىن ءورتىپ - دۇنيەنى توڭكەرۋدە"، – دەيدى داۋروۆ.
ال ءماجىلىس دەپۋتاتى شاكير حاحازوۆ دۇنعان قاۋىمداستىعىنىڭ ءتوراعاسى ارتىق سويلەپ قويدى دەيدى.
"داۋروۆ؟ ول تىم كوپ سويلەيدى. ماسانچيدەگى احۋال داۋروۆ ايتقانعا ۇقسامايدى. ءالى دە انىقتاۋدى قاجەت ەتەدى. ول كوپ سويلەپ قويدى. اسىرىپ ايتىپ جىبەردى. جاڭا عانا (داۋروۆپەن) سويلەستىم. ءوزى كورىپ بىلمەگەن اقپاراتتى تاراتپاۋدى تالاپ ەتتىم. جاعدايدى باقىلاۋدا ۇستاۋدامىن"، – دەيدى دەپۋتات.
"داۋروۆ تاياق جەگەنىن ايتتى عوي. بۇعان نە دەيسىز؟" دەگەن ءتىلشى ساۋالىنا دەپۋتات "بۇل ماسەلەنى انىقتايتىن بولامىز" دەپ قىسقا قايىردى.
بۇدان بۇرىن قورداي اۋدان ماسانچي اۋىلىندا جاپپاي توبەلەس ورىن العانى حابارلاندى. Dalanews.kz رەداكسياسى وبلىستىق پوليسيا دەپارتامەنتىنەن بۇل وقيعاعا قاتىستى تۇسىنىك الدى. پوليسيانىڭ حابارلاۋىنشا، اۋىل تۇرعىندارى اراسىندا جاپپاي توبەلەس بولعان. پوليسيا كومەگىمەن توبەلەس توقتاتىلىپ، جاعداي باقىلاۋعا الىندى.
جامبىل وبلىسى پوليسيا دەپارتامەنتىنىڭ تەرگەۋ باسقارماسى ق ر قىلمىستىق كودەكسىنىڭ 293-بابى، ياعني "بۇزاقىلىق" بويىنشا سوتقا دەيىنگى تەرگەۋدى باستادى. توبەلەستى شىعارۋشىلار مەن وعان قاتىسۋشىلار انىقتالىپ جاتىر، دەلىنگەن حابارلامادا.
ال كتك ارناسى تىلشىلەرى جامبىل وبلىسى، قورداي اۋدانىندا جەرگىلىكتى تۇرعىندار ءتارتىپ ساقشىلارىمەن جاعا جىرتىسقانىن حابارلادى.
بۇل جاعداي ءقازىر الەۋمەتتىك جەلىدە قىزۋ تاقىلانىپ جاتىر. ۆيدەودا ءبىر توپ ادام تۋىسىن پوليسەيلەرگە بەرمەۋ ءۇشىن جانتالاسقانىن بايقاۋعا بولادى. ءتىپتى قۇزىرلى ورىن وكىلدەرىنە قول جۇمساۋعا دەيىن بارعان. كوپتى شۋلاتقان ازامات قانداي زاڭ بۇزۋشىلىق جاساعانى بەلگىسىز.
https://youtu.be/Y5slZBin79s
https://dalanews.kz/50053
https://youtu.be/UBqIwb-ZD1A
