Qazaqstanda qos azamattyǵy barlardyń sany burynan kóp bolatyn. Ásirese, Pavlodar, Petropavl, ShQO, Qostanai oblystarynda Resei azamattyǵyn alǵan qazaqstandyqtar jii kezdesip turady. Tipti, olardyń arasynda memlekettik qyzmette isteitin laýazymdy tulǵalar da bar.
Máselen, byltyr ǵana Jambyl oblysynyń Qordai aýdandyq máslihatynyń burynǵy depýtaty Tatiana Podshibiakinanyń qos azamattyǵy bary aitylǵan-dy.
"QR Bas prokýratýrasy men ishki ister ministrligi Qazaqstan azamattyǵynan ózge Resei azamattyǵy bar Jambyl oblysynyń Qordai aýdandyq máslihatynyń burynǵy depýtaty Tatiana Podshibiakinany nege teksermeidi? Onyń dáleli de bar. Aldaǵy reformalarda ókilettigi joǵary máslihatta mundai depýtattar bolmaýy kerek. Qos azamattyǵy bar mundai azamattarǵa shynaiy tekserý júrgizilýi qajet!", – dep jazǵan bolatyn Aidar Bazarbaev esimdi qoldanýshy.
Buǵan deiin Shymkent qalalyq sport basqarmasynyń basshysy Oleg Pochivalovtyń da qos azamattyǵy bary anyqtaldy. Qosmekendi bolyp ǵumyr keshken azamat birden qyzmetinen bosatylǵan bolatyn. Zań ortaq. Onda Tatiana tátemiz qalai depýtat bolyp otyr? Túsiniksiz jait kóp.
Al Qazaqstan Prezidenti Qasym-Jomart Toqaev jyl basynda ulttyq qoǵamdyq senim keńesiniń otyrysynda qos azamattyǵy bar adamdarǵa qatań jaza qoldaný kerektigin aitty.
Ásirese, eki eldiń qujatymen júrgen memlekettik qyzmetkerler men mekeme basshylaryna eshqandai keshirim bolmaitynyn qadap turyp eskertti. Bul másele Prezidenttiń Joldaýynda da aityldy.
Aitpaqshy, áńgime basynda keltirgen keiipkerimiz Tatiana Podshibiakina:
«Sapa Qordai» JShS, «Qordai Janarmai», «Jańa Qordai», «Merei Qordai» saýda saraiy, «Melet pliýs» pen «Viktoriia pliýs» siiaqty biznes nysandaryna ielik etedi.
Qos azamattyqtyń ziiany men zalaly kóp dedik qoi. Eń aldymen, memlekettiń qaýipsizdigine basy artyq problema taýyp beredi. Sodan keiin, eki azamattyǵy barlar eki jaqtan da zeinetaqy alady. Bul ekonomikaǵa salqynyn túsiretin jaǵdai. Ondailar eki memlekettiń de sailaýyna qatysyp, halyqtyń tańdaýyn ózgertýge yqpal etedi. Ári-beriden keiin qos azamattyǵy bar adamnyń oi-maqsaty bólek, múddesi basqa bolatyny anyq qoi.
Resmi organdardyń deregine sensek, 2019 jyly 15,5 myń adam Qazaqstan azamattyǵynan aiyrylǵan. Árine, onyń basym bóligi – reseilikter. Álgilerdiń 550-i ǵana qylmystyq jaýapqa tartylypty. 102 azamat elden shyǵarylǵan. Sonda qalǵandaryna keshirim jasala salǵan ba?
Mundai solqyldaq saiasatpen eki eldi tel emgenderdiń sanyn azaitý qiyn. 2020 jyly Resei azamattyǵyn alǵan taǵy 585 azamat anyqtaldy. Sany azaiǵan dáneńe joq. Al Resei aǵynynan keiin qos azamattyqtyń daýy kóbeimese, kemimeýi múmkin.
Para alýdan aldyna jan salmaityn Qazaqstan úshin JSN berý, Qazaqstannyń tólqujatyn syilai salatyn solqyldaq TsON qyzmetkerleri turǵanda, qos azamattyqtyń daýy aldymyzdan áli talai shyǵady.
Sonymen Qordai depýtatynyń qos azamattyǵy bar ma? Dalanews.kz caity osy másele boiynsha quzyrly mekemelerge suraý salatynyn habarlaidy. Sonyń ishinde
- Qazaqstan Kóshi qon politsiiasyna,
- Qazaqstan Ishki ister ministrine,
- Qazaqstan Bas Prokýratýrasyna,
- QR Eńbek jáne halyqty áleýmettik qorǵaý ministri T. Dúisenovaǵa
joldaimyz.
