Jaqynda beriledi mundai málimet. Qordaida jappai tergeý júrip jatyr, ony prokýrorlar basqarǵan vedomstvoaralyq jedel top qolǵa alǵan. Aýqymdy jumys atqarylýda, óitkeni oqiǵa kólemdi (...). Kem degende, politsiia qyzmetkerlerine baǵynbai janjal týdyrǵan úsh adam ustaldy, is sotqa jiberildi.
Osy oqiǵaǵa taǵy bir sebep - qart adamdy uryp-soǵý jaiy, oǵan qatystylar da anyqtalyp, ustalyp, qamaýǵa alyndy.
Al basqa arandatýshylar, araǵa iritki salýshylar týraly sál keiinirek aqparat alasyzdar, óitkeni qazir tergeý júrip jatyr. Is júrgizýde dáleldemelerdi shoǵyrlandyrý degen bar. Taiaý ýaqytta kim jáne qandai quqyq buzýshylyqqa jol berdi, odan habardar etetin bolamyz, - dep sendirdi Qojaev.
Ministrdiń orynbasary quqyq qorǵaý organdary tutqyndalǵandar týraly aqparatty jasyrmaidy, biraq sottyń qansha adamdy qamaýǵa buiyrǵany týraly aqparat bere almaityndyǵyn aitty.
"Men bul aqparatty dál qazir bere almaimyn. Biz ony jasyryp otyrǵan joqpyz, qajet ári daiyn bolǵan kezde barlyq aqparat beriledi. Qylmystyq ister kóp, kún saiyn ústi-ústine qosylyp jatyr. 11 kisi óltirý faktisi boiynsha qylmystyq is qozǵalǵanyn jaqsy bilesizder, jappai tártipsizdikterge qatysty, urlyq, tonaý, qaraqshylyq týraly qylmystyq ister bar, bul - ártúrli epizodtar boiynsha 90-ǵa jýyq qylmystyq is", - dedi ol.
Onyń aitýynsha, qamaýǵa alynǵandardyń arasynda quqyq qorǵaý organdarynyń qyzmetkerleri joq.
Qordai oqiǵalaryna qatysty tergeýdiń qashan aiaqtalýyna qatysty Qojaev jaýap bere almaitynyn aitty.
Ony ýaqyt kórsetedi. Tergeýdiń jalpy merzimin, bilesizder. Qylmystyq is júrgizý zańy boiynsha - 2 ai. Eger qosymsha zertteýler, qajetti synamalar taǵaiyndaý qajet bolsa, zańǵa sáikes bul merzimdi uzartýǵa bolady, - dep sózin túiindedi Qojaev.
