"Bul derek tekserildi, rastalmady. Tekserip, oqıǵa qatysýshylarynyń barlyǵynan jaýap aldyq, onyń ústine vıdeobaqylaý kamerasyndaǵy barlyq jazbany qarap shyqtyq. 100 myń teńge bopsalady degen málimet rastalmady", - dedi İİM Ózindik qaýipsizdik departamentiniń basshysy Arman Sadanov.
Eske salaıyq, 7 aqpanda Jambyl oblysy Qordaı aýdany Masanchı aýylynda turǵyndar arasynda jappaı tóbeles boldy.
Jappaı tóbeleske 300-ge jýyq adam qatysqan. Aýqatty aýyly jáne Bulan Batyr aýyldarynda janjal shyqty. Buzaqylar metal zattaryn, atys qarýyn qoldanǵan.
Bul oqıǵanyń aldynda áleýmettik jelilerde jergilikti turǵyndardyń polıseılermen janjaldasqany túsirilgen vıdeo paıda bolǵan.
Sol vıdeoda er adamnyń polıseıdi 100 myń teńge bopsalady dep aıyptaǵany estiledi.
