Indoneziia politsiiasy Atyraý oblysynda joǵalǵan otbasyǵa qatysty istegi kúdikti kúieý balanyń sýretin jariialady, dep habarlaidy Dalanews.kz.
Soltústik Lombok aimaqtyq politsiiasy qos kisi óltirý deregi boiynsha Interpoldyń "qyzyl habarlamasyna" engizilgen 29 jastaǵy Qazaqstan azamatyn qolǵa túsirgen.
"S.S. dep kórsetilgen kúdikti seisenbide Senarý aýylyndaǵy qonaqúide ustaldy. Operatsiia Indoneziia ulttyq politsiiasynyń Halyqaralyq qatynastar basqarmasymen birlesip júrgizildi. Tintý barysynda politsiia 30 jastaǵy Qazaqstan azamaty - M.A.-ny da ustady. Qazir onyń quqyqtyq mártebesi naqtylanyp jatyr. Kúdiktilerden tólqujattar, uialy telefondar jáne halyqaralyq bank kartalary tárkilendi. S.S. Soltústik Lombok politsiia basqarmasynda qamaýda otyr. Ony Qazaqstanǵa ekstraditsiialaý máselesi Indoneziianyń Zań jáne adam quqyqtary ministrligi arqyly qaralyp jatyr", - dep jazylǵan Indoneziia politsiiasynyń málimetinde.
Eske salaiyq, 24 aqpanda Ishki ister ministrliginiń qyzmetkerleri sheteldik áriptestermen ózara is-qimyl nátijesinde Indoneziia Respýblikasynyń Lombok aralyndaǵy Senarý aýylynda asa aýyr qylmys jasady degen kúdikke ilingen er adamdy ustaǵany habarlandy. Ol QR Qylmystyq kodeksiniń 99-baby 2-bóligi boiynsha kúdikke ilingen.
Onymen birge buǵan deiin habar-osharsyz ketti dep halyqaralyq izdeý jariialanǵan burynǵy jubaiy da anyqtalǵan.
