Almaty qalasyndaǵy apatty jaǵdaidaǵy Balalar úiiniń tárbielenýshileri jaqyn arada Qonaev qalasynda salynǵan jańa, zamanaýi ǵimaratqa kóshiriledi. 4 mlrd teńge kólemindegi jeke investitsiia esebinen boi kótergen bul mekeme qazirgi qaýipsizdik jáne jailylyq talaptaryna tolyq sáikes keledi,- dep habarlaidy Dalanews.kz
1963 jyly salynǵan eski ǵimarat 2024 jyly júrgizilgen tehnikalyq saraptama nátijesinde apatty dep tanylyp, ári qarai paidalanýǵa jaramsyz dep sheshildi. Saraptama barysynda tirek konstrýktsiialarynda jaryqtar, injenerlik júielerdiń tolyq tozýy jáne seismikalyq turaqtylyq talaptaryna sáikes kelmeýi syndy kúrdeli aqaýlar anyqtaldy.
– Bul jerde balalardyń ómiri men qaýipsizdigi týraly sóz bolyp otyr. Qateliktiń quny – tym joǵary. Eski ǵimarat moraldyq ári fizikalyq turǵyda eskirgen. 1,8 mlrd teńgege josparlanǵan kúrdeli jóndeý jobasy ekonomikalyq turǵydan tiimsiz dep tanyldy. Sondyqtan biz salmaqty ári jaýapty sheshim qabyldadyq, – dedi Almaty oblysy Bilim basqarmasy basshysynyń orynbasary Aqmaral Atenbekova.
Qonaev qalasyndaǵy jańa Balalar úii jeke investordyń qarjysy esebinen salyndy. Jobanyń jalpy quny – 4 mlrd teńge. Nysan qazirgi sanitarlyq, qurylys jáne bilim berý standarttaryna tolyq sai keledi. Munda kishi jáne eresek tárbielenýshilerge arnalǵan bólek ashanalar, sport jáne akt zaldary, oqý jáne oiyn bólmeleri, psihologiialyq kómek kabinetteri men keń ári jaily jatyn bólmeler qarastyrylǵan.
Ǵimarattyń qaýipsizdigi men fýnktsionaldyq aimaqtarǵa bólinýine erekshe nazar aýdarylǵan. Nysan óndiristik aimaqtardan alys, belsendi damyp jatqan turǵyn aýdanda ornalasqan. Janynda turǵyn úiler men halyqaralyq is-sharalar ótetin mádeni keshen bar.
Nysandy aralaǵan qonaqtar onyń sapasyn joǵary baǵalap, Balalar úiin respýblikalyq deńgeidegi úlgili áleýmettik mekeme dep atady. Aýla aýmaǵy abattandyrylyp, ondaǵan aǵash otyrǵyzylǵan.
– Jańa Balalar úii – bul eń aldymen, ár bala úshin qaýipsiz jáne qolaily orta, sondai-aq teń múmkindik beretin meken, – dedi Aqmaral Atenbekova.
Kóshirý jumystary kezeń-kezeńimen júrgiziledi. Aldymen mektep jasyna deiingi jáne kishi synyp tárbielenýshileri – 61 bala kóshiriledi. Al mektep jasyndaǵy balalar tamyz aiynyń sońyna deiin jańa mekenge qonystanady. Almaty qalasyndaǵy eski ǵimarat qalanyń kommýnaldyq menshigine beriledi.
Aita keteiik, bul baǵyttaǵy jumys jalǵasýda. Investor Eńbekshiqazaq aýdanynda balalarǵa arnalǵan shyǵarmashylyq ortalyq salý jobasyn jariialady. Jańa ortalyq óńirdegi eń iri mekemelerdiń biri bolyp, balalar men jasóspirimderdiń jan-jaqty damýyna qosymsha múmkindik beredi.
