Qonaev qalasynyń turǵyndary Abai kóshesiniń boiynda saýdamen ainalysatyndarǵa jii shaǵymdanýda. Olardyń aitýynsha, saýdagerlerdiń tyǵyz ornalasýynan aiaq alyp júrýge múmkin emes ári jáshikter men arnaiy konteinerler únemi qoqysqa tolyp, shirigen jemis-jidektiń sasyq iisi múńkip turady.
Turǵyndardyń bul sózimen kommýnaldyq qyzmet kórsetýshi kompaniia ókilderi de kelisip otyr. Sózderinshe, kóshe sypyrýshylar saýdagerlerden keiin túnniń ortasyna deiin jumys jasaýǵa májbúr.
Sondyqtan qalalyq kásipkerlik bólimi men jergilikti politsiia qyzmetkerleri máseleni sheshý maqsatynda reidtik jumystardy kúsheitti.
Ótken aptanyń ózinde QR ÁQBtK-niń 204-babyna (belgilenbegen oryndarda saýda jasaý) sáikes, 12 adamǵa aiyppul salynyp, 3 tulǵaǵa eskertý berildi. Al kásipkerlik bóliminiń usynǵan shartyna saýdagerler áli de kelispei otyr. Bul týraly osy ýaqytqa deiin aqparat taratylǵan bolatyn.
Sondai-aq, mamandar týrister aǵynynyń kóbeiýine bailanysty biznes oryndarynyń ielerimen túsindirme jumystaryn júrgizýde.
Kásipkerlik bóliminiń qyzmetkerleri Sanitarlyq-epidemiologiialyq baqylaý basqarmasynyń mamandarymen birlesip, tazalyq erejelerin saqtamaǵan jaǵdaida ákimshilik jaza qarastyrylǵanyn eskertýde.
