Respýblikalyq referendým kúni Qonaev qalasynda retroavtokólikterdiń avtosherýi ótti. Aktsiiaǵa qatysýshylar daýys berý ýchaskelerine kóne avtokóliktermen kelip, el ómirindegi mańyzdy saiasi oqiǵaǵa beijai qaramaitynyn jáne azamattyq ustanymdaryn kórsetti, dep habarlaidy Dalanews.kz.
Erekshe bastamanyń avtory — Qonaev qalasynyń qurmetti azamaty, metsenat Mýrat Sergebaev.
Sáni men saltanaty jarasqan retroavtokólikter kolonnasy qalanyń ortalyq kóshelerimen júrip ótti. Sirek kezdesetin kólikter turǵyndardyń erekshe qyzyǵýshylyǵyn týdyryp, kópshilik olardy tamashalap, sýretke túsip, áserlerimen bólisti. Avtosherý referendým kúni qala ómirine erekshe sán berip, este qalarlyq sharalardyń birine ainaldy.
Mýrat Sergebaev — Qonaevtaǵy belgili kásipkerlerdiń biri. Ol qaiyrymdylyq jobalarǵa belsendi qatysyp, qaladaǵy qoǵamdyq bastamalardy qoldap keledi. Sonymen qatar ol qaladaǵy biregei nysandardyń biri sanalatyn retroavtokólikter mýzeiiniń negizin qalaýshy.
Referendým kúni Mýrat Sergebaev ózi tirkelgen ýchaskege baryp, azamattyq tańdaýyn jasady.
«Búgin men respýblikalyq referendýmǵa qatysyp, óz daýysymdy berdim. Kásipker retinde turaqtylyq pen zań ústemdigi biznestiń damýyna tikelei áser etetinin jaqsy túsinemin. El bolashaǵyna qatysty mańyzdy sheshimder qabyldanatyn sátte qoǵamnyń birligi asa mańyzdy», — dedi ol.
