8 aqpannan 9 aqpanǵa qaraǵan túni Qonaev qalasynda jeldiń jyldamdyǵy sekýndyna 27 metrge deiin jetti. Osyǵan bailanysty qalada jedel shtab qurylyp, kommýnaldyq qyzmetter kúsheitilgen rejimge kóshirildi, dep habarlaidy Dalanews.kz.
Qatty jel saldarynan injenerlik jelilerde apattyq jaǵdailar tirkelip, turǵyn úilerdiń shatyrlary men jeńil konstrýktsiialar zaqymdanǵan. Túngi ýaqytta qulaǵan aǵashtar men qiraǵan nysandardy tazalaý jumystary júrgizilip, bul sharalar áli de jalǵasyp jatyr.
Qalanyń birqatar shaǵynaýdandanynda elektr energiiasy óship, qazir qalpyna keltirý jumystary júrip jatyr. Qaýipsizdik maqsatynda 1–11 synyp oqýshylary tolyqtai qashyqtan oqytý formatyna kóshirildi.
Qala ákimi Ashat Berdihanov turǵyn úi-kommýnaldyq sharýashylyq bólimi mamandarymen jinalys ótkizip, boran saldaryn joiý boiynsha naqty tapsyrmalar berdi. Zardap shekken turǵyndarǵa qoldanystaǵy zańnama aiasynda kómek kórsetiletini habarlandy.
Qala ákimdigi turǵyndardy sabyr saqtap, qaýipsizdik sharalaryn qatań ustanýǵa shaqyrdy. Barlyq tótenshe jaǵdailar týraly 109 biryńǵai bailanys ortalyǵyna habarlaý qajet.
"Qazgidromet" málimetinshe, boran túske deiin jalǵasýy múmkin.
