8 اقپاننان 9 اقپانعا قاراعان ءتۇنى قونايەۆ قالاسىندا جەلدىڭ جىلدامدىعى سەكۋندىنا 27 مەترگە دەيىن جەتتى. وسىعان بايلانىستى قالادا جەدەل شتاب قۇرىلىپ، كوممۋنالدىق قىزمەتتەر كۇشەيتىلگەن رەجيمگە كوشىرىلدى، دەپ حابارلايدى Dalanews.kz.

قاتتى جەل سالدارىنان ينجەنەرلىك جەلىلەردە اپاتتىق جاعدايلار تىركەلىپ، تۇرعىن ۇيلەردىڭ شاتىرلارى مەن جەڭىل كونسترۋكسيالار زاقىمدانعان. تۇنگى ۋاقىتتا قۇلاعان اعاشتار مەن قيراعان نىسانداردى تازالاۋ جۇمىستارى جۇرگىزىلىپ، بۇل شارالار ءالى دە جالعاسىپ جاتىر.

قالانىڭ ءبىرقاتار شاعىناۋداندانىندا ەلەكتر ەنەرگياسى ءوشىپ، ءقازىر قالپىنا كەلتىرۋ جۇمىستارى ءجۇرىپ جاتىر. قاۋىپسىزدىك ماقساتىندا 1–11 سىنىپ وقۋشىلارى تولىقتاي قاشىقتان وقىتۋ فورماتىنا كوشىرىلدى.

قالا اكىمى اسحات بەردىحانوۆ تۇرعىن ۇي-كوممۋنالدىق شارۋاشىلىق ءبولىمى ماماندارىمەن جينالىس وتكىزىپ، بوران سالدارىن جويۋ بويىنشا ناقتى تاپسىرمالار بەردى. زارداپ شەككەن تۇرعىندارعا قولدانىستاعى زاڭناما اياسىندا كومەك كورسەتىلەتىنى حابارلاندى.

قالا اكىمدىگى تۇرعىنداردى سابىر ساقتاپ، قاۋىپسىزدىك شارالارىن قاتاڭ ۇستانۋعا شاقىردى. بارلىق توتەنشە جاعدايلار تۋرالى 109 ءبىرىڭعاي بايلانىس ورتالىعىنا حابارلاۋ قاجەت.

"قازگيدرومەت" مالىمەتىنشە، بوران تۇسكە دەيىن جالعاسۋى مۇمكىن.