1 naýryzda Qonaev qalasynda Alǵys aitý kúni men Qazaqstan halqy Assambleiasynyń 30 jyldyǵyna orai «Qaiyrymdylyq kerýeni» atty igi shara uiymdastyryldy,- dep habarlaidy Dalanews.kz
Aktsiia aiasynda eriktiler qalalyq perzenthanaǵa baryp, 1 naýryzda dúnie esigin ashqan sábiler men olardyń ata-analaryna arnaiy syilyqtar tabys etti.
Sonymen qatar, kópbalaly jáne áleýmettik az qamtylǵan otbasylarǵa materialdyq kómek kórsetilip, muqtaj jandarǵa arnalǵan qaiyrymdylyq jármeńkesi uiymdastyryldy. Eriktiler kiim-keshek, azyq-túlik pen turmysqa qajetti zattardy jinap, muqtaj otbasylarǵa úlestirdi.
"Alǵys aitý kúni – jaqsylyqtyń qarapaiym igi isterden bastalatynyn eske salatyn kún. Osyndai bastamalar qoǵamdy odan ári biriktirip, izgilikke bastaidy", – dedi KMM «Qoǵamdyq kelisim jáne damý ortalyǵynyń» basshysy Abai Elbosyn.
Qazaqstan halqy Assambleiasy ókilderi bul igi dástúrdi jalǵastyryp, aldaǵy ýaqytta basqa qalalarda da osyndai qaiyrymdylyq aktsiialaryn ótkizýdi josparlap otyrǵandaryn jetkizdi.
