Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Qonaev Túrkistanǵa kelgen saiyn Iassaýi kesenesine kelip, Quran baǵyshtap turǵan – Darhan Satybaldy

Dalanews
Qonaev Túrkistanǵa kelgen saiyn Iassaýi kesenesine kelip, Quran baǵyshtap turǵan – Darhan Satybaldy
Túrkistandaǵy «Farab» kitaphanasynda memleket jáne qoǵam qairatkeri Dinmuhamed Qonaevtyń 110 jyldyǵyna arnalǵan «Dinmuhamed Ahmetuly Qonaev jáne onyń dáýiri» tanymdyq konferentsiiasy ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.

Aitýly sharaǵa elimizdiń túkpir-túkpirinen ǵalymdar men zertteýshiler, ziialy qaýym ókilderi jáne qoǵam qairatkerleri, el aǵalary men jastar qatysty.

Qonaqtar «Alty alashtyń Alataýy» atty kitap kórmesin jáne «Ońtústikfilm» mekemesiniń derekti filmin tamashalady.

Túrkistan oblysynyń ákimi Darhan Satybaldy kórnekti memleket qairatkeri týraly oi qozǵap, konferetsniia jumysyna sáttilik tiledi.

– Qazaq halqynyń jarqyn bolashaǵy úshin aianbai eńbek tulǵalardyń biri – Dinmuhamed Ahmetuly Qonaev. Parasaty biik tulǵa ultqa qyzmet etýdiń úlgisin kórsete bildi. Kórkem minezimen, qarapaiym bolmysymen, ańyzǵa ainalǵan adaldyǵymen el júreginde máńgi qaldy. Joǵary jaýapkershilik pen tereń biliminiń arqasynda ónege bolǵan eńbek jolynda halyqtyń qolaily ómir súrýine múmkindik týdyrdy.

Sol ýaqyttarda da bizdiń óńirge de ózgeshe serpin berip, igilikti ister atqardy. Dinmuhamed Ahmetuly Túrkistanǵa kelgen saiyn Iasaýi kesenesine baryp Quran baǵyshtaýdy ádetke ainaldyrǵan. Búgingi Túrkistandy damytý jumystary sol ýaqyttardaǵy qasietti qalamyzǵa degen erekshe qamqorlyqtyń zańdy jalǵasy dep bilemin. Sondyqtan bul sharanyń qasietti qalamyzdyń tórinde ótýi, – zańdylyq dedi Darhan Satybaldy.


Konferentsiiany eńbek ardageri Ismat Tursynqulov  júrgizip otyrdy. Jiynda qoǵam qairatkeriniń memleketti damytý jolynda atqarǵan isteri, azamattyq bolmysy keńinen sóz boldy.

Belgili jýrnalist, «Qonaevtanýshy» Oraz Qaýǵabaev «Dinmuhamed Ahmetuly Qonaevtyń on eki qasieti jáne Qonaevty ulyqtaýdyń joldary» taqyrybynda baiandama jasady. Tulǵanyń adaldyǵy, qoly men ary taza bolǵanyna toqtalyp, qairatkerdiń týǵan kúni jáne ómirden ótken kúnine orai eske alý jáne tanymdyq is-sharalar ótkizýdi usyndy.



QR Memlekettik syilyǵynyń iegeri, ekonomika ǵylymdarynyń doktory, akademik Orazaly Sábden Dinmuhamed Ahmetulynyń injenerler men ǵalymdar, jumysshylar legin daiarlap shyǵýdaǵy eren eńbegin atap ótti. Kóshbasshy atynda memlekettik syilyq taǵaiyndalsa degen usynysyn jetkizdi.

Al D.A.Qonaevtyń keńesshisi bolǵan, genaral-leitenant Amankeldi Shabdarbaev Dimash atanyń qazaq qalamgerlerine, rýhaniiatyna, jastaryna qorǵan bolǵany týraly tyń derekterdi tilge tiek etse, ózge de eńbek ardagerleri men qatysýshylar estelikter aitty. Elge kóshbasshy bolǵan azamattyń el esinde máńgi saqtalatynyna senim bildirdi.



Jiynda Halyqaralyq D.Qonaev qoǵamdyq qorynyń prezidenti Eldar Qonaev birneshe azamatqa D.Qonaevtyń 110 jyldyǵyna arnalǵan ordendi tapsyrdy.

Túrkistan tórindegi keleli májiliste aitylǵan túrli usynystar men kóterilgen bastamalar konferentsiianyń hattamasyna engizildi.
ǵalymdar injenerler Orazaly Sábden Dinmuhamed Qonaev Darhan Satybaldy Dinmuhamed Ahmetuly Ismat Tursynqulov Amankeldi Shabdarbaev Dinmuhamed Qonaev 110 jyl Oraz Qaýǵabaev Qonaevtanýshy Madina Sádýaqasova

Oqi otyryńyz