Memleket basshysy Almaty qalasynyń ákimi Darhan Satybaldyny qabyldady, dep habarlaidy Dalanews.kz.
Qasym-Jomart Toqaevqa qalanyń áleýmettik-ekonomikalyq ahýaly jáne negizgi damý baǵyttarynyń iske asyrylýy týraly baiandaldy.
Darhan Satybaldynyń aitýynsha, qala ekonomikasynda oń dinamika baiqalady: 2025 jyldyń qorytyndysy boiynsha ósim 6,5 paiyzdy qurady, al biylǵy qańtar-aqpan ailarynda qysqa merzimdi ekonomikalyq indikator 9,4 paiyzǵa jetti. Negizgi kórsetkishter ónerkásip, qurylys, kólik jáne saýda salalary esebinen quralady.
Shahardyń investitsiialyq portfeli 2,8 trillion teńgeden asady. «Almaty» indýstriialyq aimaǵy men «Alataý» arnaiy ekonomikalyq aimaǵyna jańa jobalardy tartý maqsatynda keńeitý jumystary júrgizilýde.
Almaty elimizdiń IT sektorynda jetekshi ról atqarady. Tsifrlandyrý aiasynda Almaty AI Park qalyptasyp, jasandy intellekt negizindegi beinemonitoring pen taldaý júiesi damyp keledi.
Týrizm men taý klasterin órkendetý jalǵasady. Biyl «Shymbulaqty» jańǵyrtý, irgeles shatqaldardy damytý jumystary bastalady. Jobalardy iske asyrý 2029 jylǵy Qysqy Aziia oiyndaryna daiyndyq sharalarymen birge júrgiziledi. Sonymen qatar qonaqúi infraqurylymy keńeitilýde.
Bas jospardy túzetý aiaqtalýǵa jaqyn. Onda qala ishindegi ortalyq modelin damytý jáne taý bókterindegi aýmaqta qurylysqa shekteý engizý kózdelgen.
Qoǵamdyq kólikti ilgeriletý, sonyń ishinde BRT jelisin keńeitý, metro qurylysy jáne jańa transporttyq sheshimderdi pysyqtaý negizgi basymdyq sanalady.
Injenerlik infraqurylym jáne sýmen jabdyqtaý júiesi jańartylyp jatyr.
Ekologiialyq kún tártibine erekshe nazar aýdarylyp, jylý kózderin jańǵyrtý jáne shyǵaryndylardy azaitý sharalary qolǵa alyndy.
Kezdesý sońynda Memleket basshysy Almaty AI Park jobasyn jedeldetý, sondai-aq LRT jáne SkyTrain júielerin engizý jumystaryn jandandyrý boiynsha birqatar tapsyrma berdi.
