Qytai ǵalymdary aýyr metaldardy membranalyq jolmen bólip alýdyń ekologiialyq taza ádisin usyndy. Sarapshylardyń aitýynsha, bul jańalyq «jasyl» energetika salasyndaǵy erejeni túbegeili ózgertýi múmkin, dep habarlaidy Dalanews.kz.
Nelikten bul mańyzdy?
Jel energetikasy, kún panelderi, elektr kólikteri men atom energetikasynyń qarqyndy damýy sirek jáne strategiialyq mańyzy bar metaldarǵa suranysty kúrt arttyrdy. Alaida olardy óndirýdiń dástúrli tásilderi áli de qorshaǵan ortaǵa ziian keltirip, kóp energiia talap etedi ári tiimdiligi tómen.
Ǵalymdar ne oilap tapty?
Zertteýshiler tabiǵattaǵy kaltsii iondary ótetin jasýshalyq arnalardyń jumys isteý qaǵidatynan shabyt alǵan. Mundai arnalar tek qajetti iondardy ótkizip, basqalaryn bógep otyrady.
Osy printsip negizinde ǵalymdar:
- eni shamamen 1,4 nanometr bolatyn nanoarnalar jasady;
- ishki qabatyn belgili bir metaldy (mysaly, ýrandy) tartatyndai etip beiimdedi;
- qajetti ion arnaǵa engende, basqa básekeles iondardyń jolyn bógeitin júie qurdy;
- sonymen birge iondardyń arna ishinde turyp qalmai, tez ótýin qamtamasyz etti.
Nátijesi qandai boldy?
22 kúnge sozylǵan teńiz sýyndaǵy synaq barysynda tehnologiia ýrandy tiimdi túrde bólip alyp, ózge metaldardy keri qaitarǵan. Ǵalymdardyń aitýynsha, bul ádisti mys, altyn jáne basqa da asa mańyzdy elementterdi óndirýge beiimdeýge bolady. Ol úshin tek membrana betiniń himiialyq qasietterin ózgertý jetkilikti.
Bul ne beredi?
Jańa tehnologiia:
- qorshaǵan ortanyń lastanýyn azaitýy;
- energiia shyǵynyn qysqartýy;
- elektr kólikteri men atom energetikasyna qajet strategiialyq mineraldar jetkizý tizbegin nyǵaitýy múmkin.
