Sheteldik zıaly qaýymnyń aýzymen aıtylǵan aforızmderin áleýmettik jelidegi paraqshamyzǵa salyp qoıǵanǵa shebermiz. Dál sodan artyq bolmasa, kem túspeıtin qazaqqa qymbat adamdardyń qanatty sózderi men oı-pikirleri qanshama. Tek jarnamasy az. Aıtalyq, myna sózderdi Dinmuhamed Qonaev aıtyp ketken eken. 

Búgingi kún – keshegi kúnniń shákirti.

***

Jalada shyndyq bolmaıdy.

***

Satyǵa aıaq salmaı jatyp, baspaldaqtan attama.

***

Qanmen sińgendi qasıettemeseń, qadiriń bolmaıdy.

***

Ómirdiń eki tiregi: úırenýden jalyqpaý, úıretýden aıanbaý.

***

Aqıqattan attap ketý – arǵa syn.

***

Oryndy syn oılantpaı qoımaıdy.

***

Adamǵa jazanyń eń úlkeni – jumyssyz qaldyrý.

***

Adam aınasy – adam.

***

Táýelsizdiktiń júgi aýyr.

***

Qarań qalǵan bılik qaıtyp ońalmaıdy.

***

Bitimi qısyq aǵashtyń kóleńkesi de ózindeı bolady.

***

Adamdyq qalypty bıik ustaý – kimge de bolsa úlken syn. Adamgershilik degen asyl qasıetti alasartyp almasaq eken. Ómir ózegi osy, azamattyq joly da osy.