Qonaevtyń bas josparyn ázirleý týraly tolyǵyraq Qazaqstan qala qurylysshylary odaǵynyń prezidenti Liýbov Nysanbaeva aityp berdi.
– Qala oblystyń ákimshilik ortalyǵy bolǵan kezde ol múlde ózgeredi, Qonaev qalasynyń bas jospary basqasha bolady. Sondyqtan, qazir qalanyń ákimshilik ortalyǵyna ainalatyn jer tańdalyp jatyr. Aldaǵy ýaqytta Qonaev qalasynda jalpy aýmaǵy 20 myń sharshy metrdi quraityn nysandardyń qurylys jumystary júretin boldy. Turǵyn úiler, bilim berý nysandary salynady, – dedi Liýbov Nysanbaeva.
Qapshaǵai, qazirgi Qonaev qalasynyń bas jospary 2006 jyly Úkimet qaýlysy boiynsha bekitilgen. Alaida qala jańa mártebe alyp, Almaty oblysynyń ortalyǵyna ainaldy. Osyǵan bailanysty Qonaev damýǵa jańa múmkindik aldy. Qala mártebesine sáikes jańa infraqurylym nysandary paida bolady.
