Qonaev qalasyndaǵy Qapshaǵai sýqoimasy jaǵalaýynda «Eriktiler alleiasynyń» saltanatty ashylýy ótti. Bul shara elimizdegi ekologiialyq ahýaldy jaqsartýǵa baǵyttalǵan «Taza Qazaqstan» respýblikalyq bastamasynyń biri.
Alleia qurý ideiasyn Almaty oblysynyń eriktiler uiymy usyndy, osylaisha igi bastamaǵa barlyq qatysýshylardyń kúsh-jigerin biriktirýdi qalaidy.
Is-sharaǵa 15 eriktiler uiymnyń ókilderi, sondai-aq jas ekologiialyq belsendiler men stýdentter qatysty. Shara aiasynda jańǵyrý men jarqyn bolashaqqa degen úmittiń simvolyna ainalǵan 200-den astam jas aǵashtar otyrǵyzyldy.
Aktsiianyń basty maqsaty – oblystyń volonterlik kúsh-jigerin biriktirý ǵana emes, «Taza Qazaqstan» jobasyn júzege asyrýǵa úles qosý. Uiymdastyrýshylar jyl ótken saiyn qatysýshylar men egilgen kóshetterdiń sanynyń arta túsetinine senim bildirdi. Jobaǵa qatysýshy uiymdar men eriktilerdiń aty-jóni jazylǵan aqparattyq belgilerdi ornatý, otyrǵyzylǵan aǵashtardy turaqty kútip ustaýǵa sebep bolmaq.
Aita keterligi, sý tasqynynyń qiyn-qystaý kezeńderinde elimizdiń túkpir-túkpirindegi eriktiler, zardap shekken óńirlerge baǵa jetpes kómek kórsetti. Atap aitqanda, Almaty oblysynyń eriktileri «Kúshimiz birlikte» gýmanitarlyq kómek jinaý shtabynyń jumysyn uiymdastyrdy, onyń aiasynda 500-den astam erikti 250 tonnadan astam kómekti jetkizýge kómektesti.
Qapshaǵai jaǵalaýynda ótken shara tek ekologiialyq bastamanyń simvoly ǵana emes, eriktilerdiń tynymsyz eńbegi men ortaq iske degen adaldyǵy úshin zor alǵystyń kórinisi boldy.
