Kózdiń jaýyn alatyn asyq oinaý alyńyna balalar kóptep jinalyp, týrnirge belsene qatysty. Qonaev qalasyn asyq atý boiynsha mundai jarys birinshi ret uiymdastyrylyp otyrǵanyna qaramastan jarysqa qatysýshy balalar men olardyń mergendigin tamashalaýǵa halyq kóp jinaldy.
Balalardyń asyq oinaý alańyn belgili sýretshi, mýralist Erkeǵali Imanǵali syzyp, árlegenin aita ketýimiz. Qazaqtyń oiý-órnegimen bezendirilgen oiyn alańy balalardyń asyq oinaýǵa degen yqlasyn arttyra túskeni anyq. Oiyn alańynyń kólemi 4h4 metr. Bul alań jas jetkinshekterdiń asyq oinaýyna arnalǵan.
– Asyq oinaý alańǵy qaladaǵy jastardyń qazaqttyń ulttyq oiyny asyq atýdyń keń taralýyna jol ashatynyna senimdimin. Asyq oinaý balanyń fiziologiialyq jáne intellektýaldy turǵydan damýyna jaqsy áser etetini belgili. Qazirgi kezde telefonǵa telmirip, kóz janaryn zaqymdap jatqan balalar arasynda asyq oiynyn nasihattaýdiń reti tur dep esepteimin. Sondyqtan osy baǵytta jumys istep, balalar arasynda asyq oiyn keńinen nasihattaýymyz kerek, – deidi Erkeǵali Imanǵali.
Qonaev qalasynda alǵash ret uiymdastyrylǵan «Altyn saqa» týrnirine 15 bala qatysyp, ózderiniń salmaqty saqalarymen tizilip turǵan asyqtardy kezek-kezegimen kózdep atyp, ortadaǵy asyqtardy sheńber aýmaǵynan shyǵarýǵa baryn saldy. Jarys qorytyndysy boiynsha birinshi orndy Baqdáýlet Mametai qanjyǵasyna bailap, planshetke ie boldy. Al ekinshi orynǵa tigilgen qulaqqapty Sheńgeliden kelgen Isabek Asylbek ie bolsa, úshinshi orynnyń júldesin Qonaev qalasynyń týmasy Esbol Abdyrahman ie boldy.
