Qonaev qalasynda kezekte turǵan áleýmettik osal toptaǵy otbasylarǵa páter kiltteri tabystaldy, dep habarlaidy Dalanews.kz
Turǵyndardy qonys toiymen qala ákimi Ashat Berdihanov quttyqtady.
«Qonaev qalasynda turǵyn úilerdiń qurylysy qarqyndy júrýde. Onymen qosa, halyqty baspanamen qamtý máselesine de asa den qoiylýda. Byltyrdan beri 165 otbasyǵa páter kiltteri tabystalsa, búgin 28 otbasy qýanyshqa keneleiin dep otyr. Biyl Uly Jeńistiń 80 jyldyǵy, birtýar azamattarymyzdyń 90-100 jyldyǵy toilanyp, Jumysshy mamandyqtar jylyna orai birqatar is-sharalar júzege aspaq. Osy ataýly kúndermen qatar sizder de kópten kútken páterge ie boldyńyzdar. Shańyraqtaryńyzdyń irgetasy myqty, keregesi keń bolsyn! Ishinde tek qana tatýlyq pen bereke, qýanysh pen baqyt, qut pen yrys saltanat qursyn!» - dedi shahar basshysy.
Qýanysh ieleriniń atynan Ǵaliia Mombekova sóz alyp, jinalǵan jurtqa aqjarma tilegin arnady.
«Biz sekildi januialarǵa qoldaý kórsetken Prezidentimizge, oblys ákimi men qala ákimine alǵysym sheksiz! Bul kúndi óte uzaq kúttik! Ishtei tolqyp, keýdemdi keremet sezimder bileýde! Ár januiaǵa biyldan qalmai, úili bolýyn tileimin! Toi toiǵa ulassyn!» – dedi ol.
Aita keteiik, bul páterler jekeshelendirý quqyǵynsyz jalǵa beriledi. Jalǵa alý quny barsha azamatqa qoljetimdi.
