قوناەۆ قالاسىندا كەزەكتە تۇرعان ەلەۋمەتتٸك وسال توپتاعى وتباسىلارعا پەتەر كٸلتتەرٸ تابىستالدى, دەپ حابارلايدى Dalanews.kz
تۇرعىنداردى قونىس تويىمەن قالا ەكٸمٸ اسحات بەردٸحانوۆ قۇتتىقتادى.
«قوناەۆ قالاسىندا تۇرعىن ٷيلەردٸڭ قۇرىلىسى قارقىندى جٷرۋدە. ونىمەن قوسا, حالىقتى باسپانامەن قامتۋ مەسەلەسٸنە دە اسا دەن قويىلۋدا. بىلتىردان بەرٸ 165 وتباسىعا پەتەر كٸلتتەرٸ تابىستالسا, بٷگٸن 28 وتباسى قۋانىشقا كەنەلەيٸن دەپ وتىر. بيىل ۇلى جەڭٸستٸڭ 80 جىلدىعى, بٸرتۋار ازاماتتارىمىزدىڭ 90-100 جىلدىعى تويلانىپ, جۇمىسشى ماماندىقتار جىلىنا وراي بٸرقاتار ٸس-شارالار جٷزەگە اسپاق. وسى اتاۋلى كٷندەرمەن قاتار سٸزدەر دە كٶپتەن كٷتكەن پەتەرگە يە بولدىڭىزدار. شاڭىراقتارىڭىزدىڭ ٸرگەتاسى مىقتى, كەرەگەسٸ كەڭ بولسىن! ٸشٸندە تەك قانا تاتۋلىق پەن بەرەكە, قۋانىش پەن باقىت, قۇت پەن ىرىس سالتانات قۇرسىن!» - دەدٸ شاھار باسشىسى.
قۋانىش يەلەرٸنٸڭ اتىنان عالييا مومبەكوۆا سٶز الىپ, جينالعان جۇرتقا اقجارما تٸلەگٸن ارنادى.
«بٸز سەكٸلدٸ جانۇيالارعا قولداۋ كٶرسەتكەن پرەزيدەنتٸمٸزگە, وبلىس ەكٸمٸ مەن قالا ەكٸمٸنە العىسىم شەكسٸز! بۇل كٷندٸ ٶتە ۇزاق كٷتتٸك! ٸشتەي تولقىپ, كەۋدەمدٸ كەرەمەت سەزٸمدەر بيلەۋدە! ەر جانۇياعا بيىلدان قالماي, ٷيلٸ بولۋىن تٸلەيمٸن! توي تويعا ۇلاسسىن!» – دەدٸ ول.
ايتا كەتەيٸك, بۇل پەتەرلەر جەكەشەلەندٸرۋ قۇقىعىنسىز جالعا بەرٸلەدٸ. جالعا الۋ قۇنى بارشا ازاماتقا قولجەتٸمدٸ.
