Qolma-qol tólem ǵana qabyldap jatqan satýshylarǵa aiyppul salynady
Qarjy ministrliginiń Memlekettik kirister komiteti qolma-qol aqshasyz tólemderdi qabyldaýdan bas tartýdyń zańsyz ekenin eskertti. Mysaly, elimizde byltyrǵy 11 aidyń qorytyndysy boiynsha qolma-qol aqshasyz tólemderdiń úlesi 86%-ǵa deiin ósken (2022 jyly – 82%).
Qazir 6 jastan asqan balalar da qolma-qol aqshasyz tólemderdi belsendi paidalanatynyn eskergen jón. Ata-analardyń 41,4%-y balalaryna karta rásimdegen.
Tólemder jáne tólem júieleri týraly» Zańnyń normalarynda ártúrli tólem ádisteri – bank kartasy, QR tólemi nemese qolma-qol aqsha qarastyrylǵan (25-bap). Kásipkerlerge tólem kartochkalary arqyly tólemderdi qabyldaýdan bas tartqany úshin birinshi ret eskertý túrinde ákimshilik jaýapkershilikke tartý, al qaitalap zań buzǵany úshin 147 680 teńge (40 AEK) mólsherinde aiyppul salý kózdelgen (QR Ákimshilik quqyqbuzýshylyq týraly kodeksiniń 194-baby). Qolma-qol aqshasyz tólemderdi qabyldaýdan bas tartý faktileri týraly memlekettik kirister organdaryna habarlasýyńyz qajet, – delingen aqparatta.
Sonymen birge atalǵan komitet Salyq kodeksi mikro jáne shaǵyn biznes sýbektilerine ońailatylǵan salyq salý jaǵdaiy jasalǵanyn basa aitady. Atap aitqanda, salyq mólsherlemeleri – qyzmet túrine bailanysty 1%-dan 4%-ǵa deiin.
Kásipker ózine yńǵaily salyq rejimin tańdai alady:
patent (salyq mólsherlemesi – 1%);
ońailatylǵan deklaratsiia (salyq mólsherlemesi – 3%);
bólshek salyq rejimi (salyq mólsherlemesi – 4%).
Sondai-aq komitet taýarlardy satý nemese qyzmet kórsetý kezinde kásipkerler de satyp alýshyǵa túbirtek berýge mindetti ekenin eske salady.
Aita ketsek, buǵan deiin elimizde kásipkerlerdiń jappai mobildi aýdarymmen tólem qabyldaýdan bas tartyp jatqany týraly jazylǵan bolatyn.
