Búginde ǵylymdy damytyp, oǵan oǵan kóńil bólgen elder damyǵan elderdiń kóshin bastaýda. Kez kelgen eldiń damýynyń ózeginde ǵylymi-tehnikalyq «bým» jatqanyn baiqaý qiyn emes. Bul rette qazirgi damyǵan Batys elderiniń júrip ótken jolyna nazar aýdarsaq, kóp jaitqa kóz jetkizgen bolar edik.
Keńes zamanynda Qanysh Sátbaev bastaǵan qazaq ǵalymdary qazaq ǵylymnyń órisin keńeitip, Odaq kóleminde Qazaqstandaǵy ǵylymnyń damýyna joǵary deńgeige shyǵardy. Al keiingi toqyraý jyldary ǵylym salasy júdep, jadap pushaiman kúige túskenin bárimiz bilemiz. Tek sońǵy onshaqty jyldyń kóleminde ǵylymǵa memleket tarapynan birshama kóńil bólinip, salany qarjylandyrý isinde ilgerileý oryn aldy.
Memleket basshysy Qasym-Jomart Toqaev ǵylymdy damytý máselesin jyl saiynǵy Qazaqstan halqyna arnalatyn Joldaýlarynda qadap turyp aityp, naqty tapsyrmalar berip keledi. Prezident óziniń sońǵy Joldaýynda elimizdegi qoldanbaly ǵylymdy joǵary oqý oryndardyń qabyrǵasynda jan-jaqty damytý týrasynda naqty tapsyrma bergen bolatyn. Osy rette Dalanews.kz tilshileri Memleket basshysynyń tapsyrmasy aiasynda QR Joǵary oqý oryndary jáne ǵylym ministrligi qandai is-sharalardy júzege asyryp, qandai jumystardy júzege asyryp jatqanynan az-kem taldaý jasaýdy jón sanap otyr.
Qazirgi tańda elimizdiń ǵylym men tehnologiiany damytý salasynda 25 myń adam bel jazbai eńbek etýde. Demek, Qazaqstannyń ǵylymdy damytyp, onyń nátijelerin naqty ekonomikaǵa engizip, paida tabýyna múmkindik beretin ǵylymi kadrlyq áleýeti bar. Prezident osy ǵylymi áleýetti paidalanyp, el ekonomikasyn órkendetýdi kózdep otyr.
Elimiz naryqtyq kezeńge aýysqan jyldary elimizde ǵylymi jumystar bilte shamnyń jaryǵy sekildi óleýsirep janyp turdy. Osy qiyn kezeńde qazaq ǵylymnyń otyn óshirmeýge tyrysqan azamattarǵa alǵys aitýymyz kerek. Óitkeni, jurttyń bári ala qanardy arqalap, bazar jaǵalap ketkende jankeshti jandardyń arqasynda qazaq ǵylymy óziniń dástúrli sabaqtastyǵyn joǵaltqan joq.
Keiinnen memleketimiz ekonomikalyq damý jolyna túsip, birshama qoń jinaǵan soń, «Bolashaq» baǵdarlamasy paida bolyp, jastarymyz shetelde bilim alyp, ǵylym qaitadan tartymdy salaǵa ainaldy.
Endigi kezekte ǵalymdarymyz ǵylymi-zertteý jumystarymen ainalysyp, onyń nátijesin tartpaǵa salyp qoimai, aldaǵy ýaqytta ǵylymi-zertteýlerdiń nátjilerin el ekonomikasyn órkendetýge baǵyttaýymyz kerek. Bir sózben aitsaq, ǵylym men óndiristi ushtastyratan kez keledi.
Sol sebepti Memleket basshysy Qasym-Jomart Toqaev ǵylymdy qoldanbaly baǵytta damytý máselesin beker kóterip otyrǵan joq.
Elimizde 2023-2029 jyldarǵa arnalǵan QR Joǵary bilim men ǵylymdy damytý tujyrymdamasyna sáikes, ótken jyly qabyldanǵan qujat aiasynda erekshe nazar kelesi baǵyttarǵa aýdaryldy. Bul qujat joǵary oqý ornyndaranyń qabyrǵasynda ǵylymdy damytýdy kózdep otyr. Osy rette Prezidenttiń Jarlyǵymen Ǵylym jáne tehnologiialar jónindegi ulttyq keńes qurylǵanyn aita ketýimiz kerek. Osy rette elimizdi ǵylymdy damytýdyń jańa tuǵyrnamasynyń arqasynda serpindi jumystar júrip jatqanyn QR Joǵary oqý oryndary jáne ǵylym vitse-ministri Darhan Ahmet-Záki oiyn ortaǵa salǵan bolatyn.
– 2023-2029 jyldarǵa arnalǵan QR Joǵary bilim men ǵylymdy damytý tujyrymdamasyna sáikes, elimizde qarqyndy jumystar júrip jatyr. Bul qujattyń arqasynda ǵylymdy qarjylandyrý isi 3,5 esege ósti. Sonymen qatar álemniń aldyńǵy qatarly ortalyqtarynda 800-den astam adam ǵylymi taǵylymdamadan ótý múmkindigine ie bolady. Qazir ǵylymdy damytýúshin infraqurylymdy damytyp, oqý oryndary men ǵylymi-zertteý institýttaryn zamanaýi qural-jabdyqtarmen qamtamasyz etý jumystary júrip jatyr. Búginde bul kórsetkish 14%-dy quraidy.
Budan basqa elimizdiń básekege qabilettiligin qamtamasyz etý úshin ǵylym jetistikteriniń nátijelerin engizýge, ǵylymdy damytýǵa jáne tehnologiialyq saiasatty iske asyrýǵa, sondai-aq ǵylymi qyzmettiń strategiialyq, kásibi jáne áleýmettik máselelerin sheshýge baǵyttalǵan «Ǵylym jáne tehnologiialyq saiasat týraly» zań qabyldandy, – deidi vitse-ministr.
Ǵylymdy damytýda dúniejúzindegi ozyq elderdiń is-tájiribelerin jatsynbai alyp, kedege jaratýdyń mańyzy zor. Osy rette Qazaqstan Ońtústik Koreia eliniń Ulttyq innovatsiialyq damý baǵytyn tańdap aldy. Biz biletin Koreiada jetekshi ýniversitetter ekonomikanyń órisin keńeitetin ǵylymi-innovatsiialyq baǵyttardy anyqtap, ony óndirispen birge bailanystyryp damytady.
Osylaisha elimiz ǵylymdy damytýda óziniń memlekettik barlyq pozitsiiasyn aiqyndady. Endigi kezekte tynymsyz eńbek etip, Memleket basshysy Qasym-Jomart Toqaev júktegen tapsyrmany oryndamýymyz kerek.
