Saltanatty is-shara qalalyq ákimdiktiń qoldaýymen «Jetisý» saiabaǵynda ótti.
«Qoja» povesindegi keiipker – árbir adamnyń balalyq shaǵynyń súiikti keiipkerine ainalǵan. Sol sebepti eskertkish Halyqaralyq balalardy qorǵaý kúnine orai ashyldy.
Eskertkish ashý ideiasynyń avtory – jazýshy Janbolat Aýpbaev. Ol qazaq halqynyń bala tárbieleýge ejelden erekshe mán beretinin aita kele, osy bir bolmysty beineleitin Soqpaqbaev povesiniń keiipkerine monýment ornatý jóninde oiyn aitty.
– Maǵan osy eskertkishti jasaý týraly usynys túsken boida túrli ideialardy oilastyra bastadym. Eskertkish arqyly bas keiipkerdiń minezin kórsetý, shyǵarma jelisin jetkizý óte mańyzdy boldy. Sonymen, filmniń este qalarlyq kórinisteriniń birin beineleý jóninde sheshim qabyldap, Qojanyń aina aldynda otyrǵan sátin kórsettik. Jumysta aitarlyqtai qiyndyqtar bolǵan joq. Eskertkish jurtqa unaidy dep úmittenemin, – dedi monýment avtory.
Jazýshynyń qyzy Samal Soqpaqbaevanyń aitýynsha, Qoja esimdi keiipker ulttyq qaharmanǵa ainaldy.
– Bul povest óte áigili. Búginge deiin jurt arasynda shyǵarmanyń úzindileri aitylyp keledi. Qoja ujymdyq, ulttyq beinege ainaldy. Kitaptyń, filmniń basty keiipkeri meiirimdiligimen, batyldyǵymen, adaldyǵymen jáne ádilettiligimen erekshelenedi. Qoja ulttyń bolmys-bitimin boiyna sińirip óskenin kórýge bolady. Sondyqtan bul shyǵarmany halqymyz jaqsy kóredi.
Kóp uzamai Kann festivaliniń «Balalarǵa arnalǵan eń jaqsy sheteldik film» syilyǵyna ie boldy. Bul bizdiń kinoindýstriianyń orasan zor jetistigi, al kartina qazaq kinoóneriniń altyn qoryna endi, – dedi jazýshynyń qyzy Berdibek Soqpaqbaev.
