Politsiia qoǵamdyq oryndarda kalian shekken azamattardy jazaǵa tartyp jatyr, - dep habarlaidy Dalanews.kz.
Aqtóbede de politseiler qoǵamdyq oryndarda kalian shegýge tyiym salý týraly zańdy buzǵandardy ustady. IIM málimetinshe, reid barysynda tanymal demalys oryndary men oiyn-saýyq oryndary tekserilgen. Bir kúnde politseiler oblys ortalyǵynyń oiyn-saýyq oryndarynda 10-nan asa derekti tirkedi.
"Reidtik is-sharalar nátijesinde 4 ákimshi jáne kalian shekken 7 adam ákimshilik jaýapkershilikke tartyldy. Aiyppuldardyń jalpy somasy 600 myń teńgeden asty. 18 kalian tárkilendi", - dep jazylǵan habarlamada.
Elimizde kalian shegýge salynǵan tyiymǵa qatysty zańbuzýshylyqtardy anyqtaýǵa baǵyttalǵan reid jalǵasyp jatyr.
Politsiia azamattarǵa zańdy saqtaýǵa, tyiym salynǵan jáne densaýlyqqa ziian zattardy paidalanýdan bas tartýǵa shaqyrady.
Aita keteiik, buǵan deiin de IIM resmi ókili Shyńǵys Álekeshev qoǵamdyq oryndarda kalian shegýge tyiym salynǵanyn eske saldy.
"Qoǵamdyq oryndarda kalianǵa tyiym salynady, reidter júrgizilip jatyr. Anyqtalǵan jaǵdaida kináliler jaýapqa tartylady. Eger mundai zańbuzýshylyqqa kýá bolsańyz, 102 telefonyna habarlasyp, habarlańyz, politsiia kelip, tiisti shara qoldanady", - dedi Álekeshev.
