Elordalyq prokýratýra 2025 jyldyń birinshi toqsanynda bótenniń múlkin qasaqana joiýǵa jáne búldirýge qarsy kúresti qorytyndylady. Kommýnikatsiialar qyzmetinde ótken brifingte atqarylǵan jumystar týraly qalalyq Prokýratýra basqarmasynyń prokýrory Gúlmira Bekmuhanova aityp berdi, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
«Nóldik tózimdilik» qaǵidatyn iske asyrý aiasynda elordada Quqyqtyq baqylaý men qoǵamdyq tártipti kúsheitý boiynsha naqty jumys júrip jatyr. Ózekti másele – vandalizm men qoǵamdyq oryndardyń lastanýyna erekshe nazar aýdarylady.
«Qoǵamdyq múliktiń búlinýi, buzaqylyq – munyń bári dereý jáne qatań sharalar qabyldaýdy talap etedi», – dedi Gúlmira Bekmuhanova.
Ol 2023 jylǵy 3 qańtardan bastap, eger zalal 200 AEK-ten (738 myń teńge) aspasa, bótenniń múlkin qasaqana jaramsyz nemese búldirgeni úshin jazany kózdeitin ÁQBtK-niń 147-1-baby kúshine engenin eske saldy. Quqyq buzýshyǵa ákimshilik qamaýǵa alý nemese aiyppul salynýy múmkin.
2025 jyldyń I toqsanynda Astana qalasynyń ákimshilik quqyq buzýshylyq jónindegi mamandandyrylǵan aýdanaralyq sotyna ÁQBtK-niń 147-1-baby boiynsha 61 is kelip tústi. Qaraý qorytyndysy boiynsha 40 quqyq buzýshy ákimshilik qamaýǵa ushyrady, taǵy 21 adamǵa jalpy somasy 3 605 440 teńge aiyppul salyndy. Bul elordadaǵy vandalizmmen kúresýdiń printsipti tásilin kórsetedi.
Qala prokýratýrasy kámeletke tolmaǵandar arasyndaǵy buzýshylyqtar sanynyń ósýin tirkeidi. Atalǵan kezeńde qoǵamdyq oryndardyń lastanǵany úshin 5 151 adam ákimshilik jaýapkershilikke tartyldy, onyń ishinde 36-sy – kámeletke tolmaǵandar.
«Eger kámeletke tolmaǵan adamnyń aiyppul tóleýge jaǵdaiy bolmasa, mindet ata-anasyna nemese olardy almastyratyn adamdarǵa júkteledi», – dep túsindirdi prokýror.
Prokýratýra men politsiia áleýmettik jelilerge, BAQ-qa jáne azamattardyń jariialanymdaryna belsendi monitoring júrgizýde. Vandalizm jáne usaq buzaqylyq týraly habarlamalar anyqtalǵan jaǵdaida tekserýler júrgiziledi, quqyq buzýshylarǵa quqyqtyq baǵa beriledi. Mundai jaǵdailar media keńistikte únemi jariialanady.
Prokýratýra elorda turǵyndaryn zańnama normalaryn saqtaýǵa jáne ózderiniń azamattyq ustanymdaryn kórsetýge shaqyrady. Ýrbanizatsiia, halyqtyń ósýi jáne qalalyq infraqurylymnyń damýy jaǵdaiynda tártipti saqtaý qoǵamnyń barlyq qatysýshylarynyń ortaq jaýapkershiligi bolyp sanalady.
