Qoǵamdyq kólikter qai kezde júretini belgili boldy
Bul jaiynda Bas sanitarlyq dáriger Aijan Esmaǵambetova qol qoiǵan el halqyn koronavirýs infektsiiasynan qorǵaý sharalaryn odan ary kúsheitý týraly qaýlysynda aitylǵan.
«Oblystardyń, Almaty, Nur-Sultan, Shymkent qalalarynyń ákimderi, Qazaqstan Respýblikasy Indýstriia jáne infraqurylymdyq damý ministrligi óńirlerde COVID-19 syrqattanýshylyǵynyń ósýi 7 kún ishinde 7 paiyzdan aspaityn deńgeige jetken jaǵdaida kúsheitilgen sanitariialyq-dezinfektsiialyq rejimdi jáne Kóliktegi bas memlekettik sanitariialyq dáriger belgilegen qosymsha talaptardy mindetti túrde saqtai otyryp, Qazaqstan Respýblikasynyń óńirleri (aviareister) arasynda kirýge/shyǵýǵa ruqsat berýdi, osy qaýlyǵa 15-qosymshaǵa sáikes kúsheitilgen sanitariialyq-dezinfektsiialyq rejimdi jáne qosymsha talaptardy saqtai otyryp, shekteýlermen qoǵamdyq kóliktiń jumysyn qaita bastaýdy qamtamasyz etsin» delingen qaýlyda.
