Quqyqtyq statısıka organdarynyń portalynda 1969 jyly týǵan Oleg Anatolevıch Koltashovqa qatysty izdeý paraǵy jarıalandy, dep habarlaıdy Dalanews.kz.
«Agenttiktiń Soltústik Qazaqstan oblysy boıynsha ekonomıkalyq tergeý departamenti Oleg Anatolevıch Koltashovqa qatysty Qazaqstan Respýblıkasynyń Qylmystyq kodeksiniń 195-babynyń 5-bóligi boıynsha sotqa deıingi tergep-tekserý júrgizip jatyr», - delingen habarlamada.
İzdeýde júrgen Koltashov týraly málimetter Reseıdiń «Edınaıa Rossıa» partıasy saıtynda jarıalanǵan Kýrgan oblystyq Dýmasynyń burynǵy depýtatynyń ómirbaıanymen sáıkes keledi. Ol astyqty unǵa qaıta óńdeý salasynda bıznespen aınalysqan. 2019 jyly Forbes onyń atyn Reseıdegi eń dáýletti sheneýnikter men depýtattar reıtıńine engizgen. Sol kezde onyń baılyǵy 765 mln rúbl dep baǵalanǵan.
2022 jyly Koltashov Kýrgan oblysynan Ortalyq Azıa elderine astyq jetkizý úshin Qazaqstanda enshiles kompanıa ashqany týraly aqparat taraǵan.
