QyzPÝ-da halyqaralyq jazǵy mektep aiaqtaldy
Pedagogika jáne psihologiia joǵary mektebiniń bastamasymen júzege asqan sharaǵa Qazaqstan men Reseidiń joǵary oqý oryndary jáne mektepteriniń pedagogtary qatysty. Sonymen qatar jazǵy mektep jumysyna mektep oqýshylary da atsalysyp, óz jobalaryn usyndy.
Jazǵy mektep jumysy Qyzdar ýniversiteti men «Bastaýysh synyp muǵalimderiniń bastaýysh mektep oqýshylarynyń zertteý (jobalaý) qyzmetin pedagogikalyq turǵydan súiemeldeý biligin qalyptastyrý» joǵary oqý ornyishilik jobasyna qatysýshylardyń qoldaýymen júzege asty.
Sharanyń ashylý rásiminde Pedagogika jáne psihologiia joǵary mektebi dekanynyń ǵylymi jumystar jáne innovatsiialar jónindegi orynbasary Á. Kariev, pedagogika ǵylymdarynyń kandidaty T. Bainazarova, Reseidiń Gorno-Altai memlekettik ýniversitetiniń oqytýshysy N. Kergilova, Shadrin memlekettik pedagogikalyq ýniversitetiniń oqytýshysy Iu. Riýmina, Almaty qalasyndaǵy №27 gimnaziiasynyń muǵalimi E. Iýmshanova jáne ózge de bilim berý salasynyń qyzmetkerleri qatysyp, mańyzdy aqparattarymen bólisti.
Jazǵy mektep barysynda joǵary oqý oryndary men mektep pedagogtary oqýshylardyń zertteý jumystaryn súiemeldeý boiynsha tájiribe men usynystar almasty. Sondai-aq reseilik jáne qazaqstandyq muǵalimder áleýmettik, shyǵarmashylyq baǵyttaǵy zertteý jobalaryn tanystyrdy.
Shara sońynda úzdik dep tanylǵan jobalar arnaiy diplomdarmen marapattaldy.
I dárejeli diplom iegerleri:
Aia Amangeldi – Shymkent qalasyndaǵy №85 jalpy bilim beretin mekteptiń oqýshysy;
Timýr Balýev – Pavlodar qalasyndaǵy daryndy balalarǵa arnalǵan mýzykalyq mektep-internatynyń oqýshysy;
Ýliana Areveva – Reseidiń №23 litseiiniń oqýshysy.
II dárejeli diplom iegerleri:
Alena Kobylinskaia – Reseidiń №23 litseiiniń oqýshysy;
Lýiza Rýditsa – Pavlodar qalasyndaǵy daryndy balalarǵa arnalǵan mýzykalyq mektep-internatynyń oqýshysy.
Baspasóz jáne qoǵammen bailanys bólimi
