پەداگوگيكا جانە پسيحولوگيا جوعارى مەكتەبىنىڭ باستاماسىمەن جۇزەگە اسقان شاراعا قازاقستان مەن رەسەيدىڭ جوعارى وقۋ ورىندارى جانە مەكتەپتەرىنىڭ پەداگوگتارى قاتىستى. سونىمەن قاتار جازعى مەكتەپ جۇمىسىنا مەكتەپ وقۋشىلارى دا اتسالىسىپ، ءوز جوبالارىن ۇسىندى.
جازعى مەكتەپ جۇمىسى قىزدار ۋنيۆەرسيتەتى مەن «باستاۋىش سىنىپ مۇعالىمدەرىنىڭ باستاۋىش مەكتەپ وقۋشىلارىنىڭ زەرتتەۋ (جوبالاۋ) قىزمەتىن پەداگوگيكالىق تۇرعىدان سۇيەمەلدەۋ بىلىگىن قالىپتاستىرۋ» جوعارى وقۋ ورنىىشىلىك جوباسىنا قاتىسۋشىلاردىڭ قولداۋىمەن جۇزەگە استى.
شارانىڭ اشىلۋ راسىمىندە پەداگوگيكا جانە پسيحولوگيا جوعارى مەكتەبى دەكانىنىڭ عىلىمي جۇمىستار جانە يننوۆاسيالار جونىندەگى ورىنباسارى ءا. كارييەۆ، پەداگوگيكا عىلىمدارىنىڭ كانديداتى ت. باينازاروۆا، رەسەيدىڭ گورنو-التاي مەملەكەتتىك ۋنيۆەرسيتەتىنىڭ وقىتۋشىسى ن. كەرگيلوۆا، شادرين مەملەكەتتىك پەداگوگيكالىق ۋنيۆەرسيتەتىنىڭ وقىتۋشىسى يۋ. ريۋمينا، الماتى قالاسىنداعى №27 گيمنازياسىنىڭ ءمۇعالىمى ە. يۋمشانوۆا جانە وزگە دە ءبىلىم بەرۋ سالاسىنىڭ قىزمەتكەرلەرى قاتىسىپ، ماڭىزدى اقپاراتتارىمەن ءبولىستى.
جازعى مەكتەپ بارىسىندا جوعارى وقۋ ورىندارى مەن مەكتەپ پەداگوگتارى وقۋشىلاردىڭ زەرتتەۋ جۇمىستارىن سۇيەمەلدەۋ بويىنشا تاجىريبە مەن ۇسىنىستار الماستى. سونداي-اق رەسەيلىك جانە قازاقستاندىق مۇعالىمدەر الەۋمەتتىك، شىعارماشىلىق باعىتتاعى زەرتتەۋ جوبالارىن تانىستىردى.
شارا سوڭىندا ۇزدىك دەپ تانىلعان جوبالار ارنايى ديپلومدارمەن ماراپاتتالدى.
I دارەجەلى ديپلوم يەگەرلەرى:
ايا امانگەلدى – شىمكەنت قالاسىنداعى №85 جالپى ءبىلىم بەرەتىن مەكتەپتىڭ وقۋشىسى؛
تيمۋر بالۋيەۆ – پاۆلودار قالاسىنداعى دارىندى بالالارعا ارنالعان مۋزىكالىق مەكتەپ-ينتەرناتىنىڭ وقۋشىسى؛
ۋليانا ارەۆيەۆا – رەسەيدىڭ №23 ليسەيىنىڭ وقۋشىسى.
II دارەجەلى ديپلوم يەگەرلەرى:
الەنا كوبىلينسكايا – رەسەيدىڭ №23 ليسەيىنىڭ وقۋشىسى؛
لۋيزا رۋديسا – پاۆلودار قالاسىنداعى دارىندى بالالارعا ارنالعان مۋزىكالىق مەكتەپ-ينتەرناتىنىڭ وقۋشىسى.
باسپا ءسوز جانە قوعاممەن بايلانىس ءبولىمى
