Qyzylorda qalasynyń №2 sotynda oqýshy qyzdy quldyqta ustaýǵa qatysty alǵashqy úkim shyqty. Sotta aiyptalýshy T.-ǵa qatysty QR QK 194-baby 2-bóliginiń 1)-tarmaǵy boiynsha (qorqytyp alý) qylmystyq is qaraldy, - dep habarlaidy Dalanews.kz Qyzylorda qalasynyń №2 sotyna silteme jasap.
Anyqtalǵany:
Sottalýshy T. oqýshyny masqaralaityn málimetterdi jariialaimyn dep kámeletke tolmaǵan qyzdan 700 000 teńge aqsha taýyp berýin talap etken, sonymen qatar, onyń sómkesin alyp, ishinde turǵan 35 000 teńge aqshany qorqytyp alǵan.
Sottalýshynyń kinási kámeletke tolmaǵan jábirlenýshiniń birkelki jaýaptarymen, oqiǵa ornyn qarap-tekserý týraly hattamasymen, bettestirý júrgizý hattamalarymen, sot psihologiialyq-psihiatriialyq saraptama qorytyndysymen bekitildi.
Jaza boiynsha:
Sot úkimimen sottalýshy T. QR QK 194-baby 2-bóliginiń 1)-tarmaǵy boiynsha kináli dep tanyldy. QK-tiń atalǵan babynyń sanktsiiasy 3 jyldan 7 jylǵa deiin bas bostandyǵynan aiyrý jazasyn kózdeidi.
QK-niń 55-babynyń 2-bóliginiń 2) tarmaǵyna sai, jazany jeńildetetin mán-jailar bolǵan jáne aýyrlatatyn mán-jailar bolmaǵan kezde, jaza merzimi QK-tiń tiisti babynda kózdelgen eń joǵary merzimniń 2/3 –nen asyrýǵa bolmaidy delingen.
Is boiynsha qylmystyq jaýaptylyqty aýyrlatatyn mán-jailar anyqtalmaǵan.
Jeńildetilgen mán-jai retinde onyń buryn sottalmaǵany jáne jastyǵy eskerildi (21 jas).
Iaǵni, eń joǵary jaza 7 jyldyń 2/3-nen aspaýy tiis.
Osynyń negizinde, sot sottalýshy T.-ǵa 4 jyl 6 ai merzimge bas bostandyǵynan aiyrý jazasy taǵaiyndaldy.
Úkim zańdy kúshine enbegen.
Aita keteiik, bul is boiynsha jalpy 13 figýrant bar. 11 kúdikti ustalǵan, onyń beseýi - kámeletke tolmaǵan.
