Qyzylorda qalasynyń turǵyny ózi jumys istegen JShS-niń ústinen jalaqy qaryzy men mindetti zeinetaqy jarnasyn óndirý týraly talap qoiý aryzymen júginip, sotta jeńip shyqty, dep habarlaidy Dalanews.kz.
Ol jumys berýshiden 2023 jyldyń qazanynan 2024 jyldyń sáýirine deiingi aralyqta jol jumysshysy retinde jumys istegeni úshin 1 million teńgeden astam jalaqy men jarna óndirýdi talap etken.
Beiindi ministrliktiń Memlekettik eńbek inspektsiiasy komitetiniń oblystyq departamenti júrgizgen tekseris QR Eńbek kodeksin buzý bolyp tabylatyn 1 million teńgeden astam jalaqynyń tólenbeý faktisin rastady.
Jumys berýshiniń Departamenttiń bereshekti jáne merziminde tólemegeni úshin ósimpuldy tóleý týraly uiǵarymyn oryndamaýyna bailanysty 2024 jyly ákimshilik quqyq buzýshylyq isteri jónindegi mamandandyrylǵan sot JShS-ny QR ÁQBtK-niń 462-babynyń 3-bóligimen jaýapkershilikke tartyp, 516 myń teńge aiyppul salǵan.
Tólem paraqtaryna sáikes, JShS 2023 jyldyń qazan aiynan bastap 2024 jyldyń sáýirine deiingi kezeńde qyzmetkerge mindetti zeinetaqy jarnalaryn eseptegen. Alaida, Biryńǵai jinaqtaýshy zeinetaqy qorynan (BJZQ) úzindi kóshirmege sáikes, bul kezeńge naqty aýdarymdar bolmaǵan. Osylaisha, eseptelgenimen, qorǵa jarnalar túspegen.
Qyzylorda qalalyq soty isti qarap, talap qoiýdy qanaǵattandyryp, JShS-nen 1 million teńgeden astam jalaqy bereshegin óndirdi. Sondai-aq sot JShS-ny kórsetilgen merzimge "BJZQ" AQ-na mindetti zeinetaqy jarnalaryn aýdarýdy mindettedi.
