Búgin Nartai Bekejanov atyndaǵy oblystyq qazaq akademiialyq mýzykalyq drama teatrynyń 70 jyldyq mereitoiyna orai, KSRO Halyq ártisi Sábira Maiqanova atyndaǵy «Syrdyń Sábirasy – I» halyqaralyq teatrlar festivaliniń saltanatty ashylýy ótti,– dep habarlaidy Dalanews.kz
Saltanatty sharaǵa Qazaqstannyń Eńbek Eri, Halyq ártisi Asanáli Áshimov, Qazaqstannyń Halyq ártisi, Teatr qairatkerleri odaǵynyń tóraǵasy, rejisser, pedagog Tuńǵyshbai Jamanqulov arnaiy kelip qatysty.
Saltanatty rásimde aimaq basshysy Nurlybek Nálibaev quttyqtaý sóz sóilep, mádeniet jáne rýhaniiat salasynda atqarylǵan jumystarǵa toqtalyp ótti.
«Prezidentimiz Qasym-Jomart Kemeluly «Elimizdiń rýhani damýy ulttyq rýhqa tikelei bailanysty. Sol sebepti azamattarymyzdyń rýhy árqashan biik bolýy úshin mádenietimizge, rýhaniiatymyzǵa basa mán berýimiz qajet», – degen bolatyn.
Ótken jyly óńirimizde jariialanǵan «Rýhaniiat jyly» aiasynda barlyq 7 aýdanda quny 11 mlrd. 500 mln. teńge bolatyn, ishinde neke qiiý zaly, kitaphana, mýzei, arhiv, jastar saraiy, ardagerler men analar úii bar «Rýhaniiat ortalyqtary» salynyp, el igiligine qyzmet etýde. «Anaǵa taǵzym», «Otbasy ortalyǵy», kópfýnktsionaldy 1000 oryndyq «Óner ortalyǵy» salynyp, paidalanýǵa berildi.
Oblys ortalyǵynda «Shyǵarmashylyq akademiiasy», «Saýts Oil» kompaniiasynyń demeýshiligimen mýzykalyq kolledjdiń jańa ǵimaraty, tarihi-ólketaný mýzeii salynýda. Atalǵan nysandar jaqyn kúnderi iske qosylmaq.
Tarihtan belgili, 1925 jyly Qyzylorda qalasynda tuńǵysh kásibi ult teatry uiymdastyryldy. 1926 jyly 13 qańtarda Muhtar Áýezovtiń «Eńlik-Kebek» pesasy tuńǵysh ret sahnalanyp, halyq ónerpazdarynyń kontsertimen teatr shymyldyǵy ashyldy.
Syrboiylyqtar ult teatrynyń irgetasy Qyzylordada qalanǵanyn árdaiym maqtan etedi. Syr óneriniń qarashańyraǵy – Nartai Bekejanov atyndaǵy oblystyq qazaq drama teatry 1955 jyly Taldyqorǵan qalasynda qurylyp, 1960 jyly Qyzylorda qalasyna kóshirildi. Teatrǵa 1997 jyly mýzykalyq, 2019 jyly akademiialyq mártebe berildi. Búgingi 70 jyldyq mereke men óner toiy qutty bolsyn! Egemen elimizdiń eńsesi biik, tuǵyry nyq bolǵai!» – dedi Nurlybek Mashbekuly.
Is-sharada aimaqtyń mádeniet salasyna eleýli úles qosqan sala mamandary marapattaldy. Asanáli Áshimov jyly lebizin bildirip, Tuńǵyshbai Jamanqulov Qazaqstan teatr qairatkerleri odaǵynyń «Dara» medalin tabystady.
Rásimde festival qonaǵy Sábira Maiqanovanyń kyzy Gúldár Ábdilqyzyna qurmet kórsetildi.
Sondai-aq, Qazaqstannyń eńbek sińirgen ártisi, “Qurmet” ordeniniń iegeri,Qyzylorda qalasynyń qurmetti azamaty Baqytbek Alpysbaevqa “Parasat” ordeni tabystaldy.
Festival 25–30 sáýir aralyǵynda ótedi. Sharaǵa Grýziia, Rýmyniia, Qyrǵyzstan memleketterinen kelgen teatr ujymdarymen qatar, Jezqazǵan, Semei, Aqtóbe, Atyraý, Taldyqorǵan, Qostanai jáne Almaty oblystarynyń teatrlary qatysady.
Baǵdarlamada Ostrovskii, Shekspir, Markes, Aitmatov syndy álem jáne túrki ádebietiniń klassikteriniń týyndylary, sondai-aq qazirgi qazaq dramatýrgiiasynyń úzdik shyǵarmalary kórermenge usynylady. Teatrsúier qaýym drama, tragediia, komediia, performans jáne eksperimentaldy qoiylymdardy tamashalai alady.
