Qyzylorda oblysynyń ákimi Nurlybek Nálibaevtyń qatysýymen Keńes Odaǵynyń batyry Táiimbet Kómekbaevty eske alýǵa arnalǵan grek-rim kúresinen eresekter arasyndaǵy halyqaralyq týrnirdiń ashylý rásimi ótti. Týrnirge 10-nan astam memleketten, elimizdiń ár óńirinen kelgen balýandar 10 salmaq dárejesinde beldespek,- dep habarlaidy Dalanews.kz
Rásimge Táiimbet Kómekbaevtyń uly, II dárejeli «Dańq» ordeniniń iegeri, general-maior Baǵban Táiimbetov, QR Grek-rim, erkin jáne áielder kúresi federatsiiasynyń vitse-prezidenti Dáýren Jabasov, basqa da qurmetti qonaqtar qatysty.
Aimaq basshysy qatysýshylarǵa sáttilik tilep, óńirdiń sport salasyndaǵy aýqymdy jumystarǵa toqtaldy.
«Alashtyń anasy atanǵan qasietti Syr óńirine qosh keldińizder! Barshańyzdy Keńes Odaǵynyń batyry, dańqty jerlesimiz Táiimbet Kómekbaevty eske alýǵa arnalǵan grek-rim kúresinen halyqaralyq týrnirdiń ashylýymen shyn júrekten quttyqtaimyn! Prezidentimiz Qasym-Jomart Kemeluly Býrabaida ótken Ulttyq quryltaida «Sportty nasihattaý, ony ásirese balalar men jasóspirimder arasynda dáripteý – ult saýlyǵynyń kepili», – degen bolatyn.
Syr óńirinde sońǵy úsh jylda 18 sport kesheni salynyp, iske qosyldy. Ótken jyly «Samuryq qazyna trast» qorymen birge quny 3 mlrd. 400 mln teńge bolatyn «Ústel tennisi ortalyǵy» salynyp, halyqqa qyzmet etýde. Oblys ortalyǵynda halyqaralyq standarttarǵa sai 11 myń oryndyq ortalyq stadion salynýda. «Qyzylorda Arena» kópbeiindi sport kesheniniń qurylysy bastaldy. Kelesi jyly el igiligine tabystalady. «Qazaqstan halqyna» qorynyń qoldaýymen kópsalaly deneshynyqtyrý-saýyqtyrý kesheniniń irgetasy qalandy. Jańa nysan jyl sońyna deiin paidalanýǵa beriledi. Aldaǵy mamyr aiynda birqatar sporttyq úiirmeni qosa qamtityn «Shyǵarmashylyq akademiiasy» ashylady.
Sport – memleketimizdiń mereiin ústem etetin, turǵyndardy salaýattylyqqa jeteleitin mańyzdy sala. Búgingi halyqaralyq jarys ózderińizge qarap boi túzeitin jastarymyzdy eljandylyqqa tárbielep, sporttaǵy básekelestikti qalyptastyrýǵa, tatýlyqty nyǵaitýǵa septigin tigizetin doda bolady dep senemiz. Jarysqa qatysýshylarǵa sáttilik, shyn myqtylarǵa jeńis tileimin», – dedi N. Nálibaev.
Saltanatty ashylý rásiminde QR Týrizm jáne sport ministrligi Sport jáne dene shynyqtyrý isteri komitetiniń tóraǵasy Rýslan Esenalin, batyrdyń urpaǵy Ardasher Shaiymbetov sóz sóiledi.
Jarystyń qadirli qonaǵy, qyrǵyzdyń ataqty balýany, Álemniń eki dúrkin, Aziianyń úsh dúrkin chempiony, Olimpiadanyń kúmis jáne qola medaldarynyń iegeri Aqjol Mahmýdovqa dástúrge sai iyǵyna shapan jabyldy.
Aita keteiik, Keńes Odaǵynyń batyry Táiimbet Kómekbaevtyń esimin urpaq jadynda qaldyrý maqsatynda jyl saiyn túrli sharalar ótkizilip keledi. Biylǵy eske alý sharasynyń ereksheligi – grek-rim kúresinen halyqaralyq týrnir tuńǵysh ret uiymdastyrylýda. Buǵan deiin batyr urpaqtary úilestirip kelgen týrnir biyldan bastap oblys ákimdiginiń qoldaýymen halyqaralyq deńgeide ótkizilýde.
