Búgin Qyzylordadaǵy «Dostyq úiinde» «Syr eli – dostyq mekeni» atty respýblikalyq Assambleia jastary forýmynyń plenarlyq otyrysy ótti, dep habarlaidy Dalanews.kz
Forýmǵa QR Parlamenti Senatynyń depýtaty, jastar janashyrlary Nuriia Niiazova, Ǵylym jáne bilim ministrligi Joǵary jáne joǵary oqý ornynan keiingi bilim komiteti tóraǵasynyń orynbasary Aqerke Abylaihanqyzy, «Assambleia jastary» respýblikalyq qoǵamdyq birlestiginiń tóraǵasy Timýr Jumyrbaev, barlyq óńirden kelgen Assambleia jastarynyń kóshbasshylary qatysty.
Aimaq basshysy Nurlybek Nálibaev forým qatysýshylaryn Qazaqstan halqy Assambleiasynyń 30 jyldyǵymen quttyqtap, basqosý jumysyna sáttilik tiledi.
«Barshańyzdy birliktiń uiytqysy bolyp, elimizdegi etnosaralyq dostyq pen toleranttylyqtyń úlgisin álemge tanytqan Qazaqstan halqy Assambleiasynyń 30 jyldyq merekesimen shyn júrekten quttyqtaimyn! Búgin ózderińizben Qazaqstan halqy Assambleiasynyń 30 jyldyǵyna arnalǵan «Syr eli – dostyq mekeni» atty forýmda júzdeskenime qýanyshtymyn!
Prezidentimiz Qasym-Jomart Kemeluly: «Otanshyldyq, adamgershilik, bilimpazdyq, naǵyz maman bolý, únemshildik, eńbekqorlyq, el men jerge janashyrlyq siiaqty asyl qasietter bárinen biik turýǵa tiis. Osyndai izgi qasiettiń bárin boiyna sińirgen jandy Adal azamat degen bir aýyz sózben sipattaýǵa bolady. Ádiletti Qazaqstandy qurý úshin árbir otandasymyz adal azamat bolýǵa umtylýy qajet», – degen bolatyn.
Syr óńirinde ár salada, atap aitqanda, bilim, ǵylym, jýrnalistika, qoǵamdyq qyzmet, sport, meditsina, mádeniet, kásipkerlik, óndiriste tabysty eńbek etip, joǵary kórsetkishterge jetken jastarǵa jyl saiyn «Syr úmiti» oblystyq jastar syilyǵy tabystalyp keledi. Baspana máselesin sheshý úshin 2023 jyldan beri «Syr jastary» turǵyn úi ipotekalyq baǵdarlamasy júzege asýda. Oǵan jyl saiyn jergilikti biýdjetten «Otbasy bank» turǵyn úi qurylys jinaq banki» arqyly kredit berýge 1 mlrd 200 mln teńge bólinedi.
Assambleianyń mereili jyly aiasyndaǵy qýanyshty jańalyq – Qyzylorda qalasynda jańadan «Dostyq úii» salynýda. Bul birlik pen yntymaqty nyǵaitýǵa atsalysqan etnomádeni birlestikterge arnalǵan, barlyq qajettiliktermen qamtamasyz etilgen zamanaýi ǵimarat bolady. Taǵy bir erekshe jańalyǵymyz, aldaǵy 1 mamyr – Qazaqstan halqynyń birligi merekesi kúni oblys ortalyǵynan «Shyǵarmashylyq akademiiasy» ashylady», – dedi N.Nálibaev.
Jiynǵa qatysýshylar Nuriia Ismagilqyzy, Aqerke Abylaihanqyzy jáne Timýr Ǵabdýlulynyń atqarylǵan jumystar men aldaǵy mindetterge arnalǵan baiandamalaryn tyńdady.
Erteń qonaqtar Baiqońyr ǵarysh ailaǵyna ekskýrsiiaǵa baryp, zymyran ushyrylymyn tamashalaidy. Baiqońyr mýzeiinde ǵarysh salasynyń damý kezeńderimen, elimizdiń ǵaryshtyq jetistikterimen, tuńǵysh ǵarysh ailaǵynyń tarihymen tanysady. Qazaqstan Halqy Assambleiasynyń jáne Assambleia jastarynyń týlary ǵaryshqa jiberý úshin resmi tapsyrylady. Osylaisha Qazaqstan halqy Assambleiasynyń 30 jyldyq emblemasy beinelengen tý ǵaryshqa alǵash ret kóteriledi.
