Qyzylordada oblys ákimi Nurlybek Nálibaevtyń qatysýymen «Qorqyt jáne Uly dala sazy» halyqaralyq folklorlyq-mýzykalyq óner festivaliniń aiasynda «Qorqyt murasy: Túrki álemine ortaq epikalyq qundylyqtar» atty halyqaralyq ǵylymi-teoriialyq konferentsiia ótti, dep habarlaidy Dalanews.kz
Alqaly jiynǵa «Túrki mádenieti jáne murasy» qorynyń prezidenti Aqtoty Raiymqulova, Túrkiia, Ázerbaijan, Qyrǵyzstan, Ózbekstan jáne otandyq belgili ǵalymdar, zertteýshiler men mádeniet maitalmandary qatysty.
Aimaq basshysy Prezident bekitken «Túrki áleminiń keleshegi – 2040» qujaty aiasynda ortaq qundylyqtardy dáripteý mańyzdy basymdyq ekenin atap aitty.
«Prezidentimiz Qasym-Jomart Kemeluly «Túrki áleminiń keleshegi – 2040» atty qujat bekitildi. Eń bastysy, baýyrlas elderdiń birligin bekemdei tústik. Ortaq qundylyqtarymyzdy tórtkúl dúniege tanyttyq. Biz babalar ósietin oryndap, túrki elderiniń yntymaǵyn nyǵaityp kelemiz. Endigi maqsat – ózara senim men baýyrlastyqqa negizdelgen birligimizdi saqtap, óskeleń urpaqqa tabystaý», – degen bolatyn.
Qorqyt ata – túbi bir túrki halyqtaryna ortaq rýhani tulǵa, el birligi men máńgilik ómir ideiasynyń simvoly. Onyń danalyǵy, murasy, taǵylymy ǵasyrlar boiy rýhani tiregimizge ainalyp, ult pen urpaqtyń jadynda saqtalyp keledi. Búginde Qorqyt murasyn zertteý – ótkendi taný ǵana emes, bolashaǵymyzǵa baǵyttalǵan rýhani missiia. Osy maqsattaǵy ǵylymi izdenister men halyqaralyq bailanystar túrki halyqtarynyń mádeni tutastyǵyn nyǵaitýǵa, rýhani úndestigin arttyrýǵa zor úles qosty», – dedi Nurlybek Mashbekuly.
Konferentsiiada «Túrki mádenieti jáne murasy» qorynyń prezidenti Aqtoty Raiymqulova, Ázerbaijan Ulttyq Ǵylym akademiiasy folklor institýtynyń direktory Hikmet Kýliev, Qazaq Ulttyq ýniversitetiniń professory, filologiia ǵylymdarynyń kandidaty Anarbai Buldybai, Qyrǵyz Respýblikasy Ulttyq Ǵylym akademiiasy Sh.Aitmatov atyndaǵy Til jáne ádebiet institýtynyń bas ǵylymi qyzmetkeri, filologiia ǵylymdarynyń doktory Jyldyz Orozobekova, Qajy Bairam Veli atyndaǵy Ankara ýniversitetiniń professory Mehmet Chevik, Túrkiianyń belgili etnomýzykatanýshysy, ǵalym Fikret Karakaia, Ózbekstan Respýblikasy Ulttyq Ǵylym akademiiasynyń Á.Naýai atyndaǵy Memlekettik ádebiet mýzeiiniń direktory, filologiia ǵylymdarynyń doktory, professor Joppor Eshonkulov, Qazaqstannyń eńbek sińirgen qairatkeri, jyraý, ustaz Almas Almatov, filologiia ǵylymdarynyń kandidaty Raqysh Jumashai, T.Júrgenov atyndaǵy Qazaq Ulttyq óner akademiiasynyń dotsenti Uljan Baibosynova pikir bildirdi.
Aita keteiik, 2018 jyly Qorqyt ata muralary IýNESKO-nyń materialdyq emes mádeni muralar tizimine endi. Búginde uly oishyldyń rýhyna taǵzym etý, murasyn saqtaý jáne keńinen nasihattaý baǵytynda júieli jumys jalǵasýda.
Búginde Qarmaqshy aýdanyndaǵy Qorqyt ata memorialy – týristerdiń rýhani demalys orny, keshen basynda kelýshilerge barlyq jaǵdai jasalǵan. Qyzylorda qalasyndaǵy «Qorqyt ata kitabynyń 1300 jyldyǵyna» arnalǵan alleia jańǵyrtylyp, turǵyndardyń saialy ornyna ainaldy. Qorqyt ata halyqaralyq áýejaiynyń jańa terminaly iske qosyldy.
Ortaǵasyrlyq tarihi-mádeni muralardy halyqaralyq deńgeide tanytý úshin Ulttyq mýzei, TÚRKSOI uiymy jáne Túrkiianyń Mádeniet jáne týrizm ministrligimen birlesken sharalar ótkizilýde. Qazba jumystary kezinde tabylǵan jádigerler negizinde «Shirik Rabat saq jaýyngeri», «Syǵanaq hanshaiymy», «Túgisken kósemi», «Jetiasar aqsúiek áieli» músinderi jańǵyrtylyp, ǵylymi ainalymǵa engizildi.
