Qyzylordadaǵy "Óner ortalyǵynda" "Qazaqstannyń úzdik taýary – 2025" kórme baiqaýy ótti. Oǵan oblys ákimi Nurlybek Nálibaev, Májilis depýtattary Marhabat Jaiymbetov, Murat Ábenov, quqyq qorǵaý organdarynyń birinshi basshylary, kásipkerler qatysty,- dep habarlaidy Dalanews.kz
Aimaq basshysy konkýrsqa qatysýshylardy quttyqtap, óńirdiń óńdeý ónerkásibi salasyndaǵy jumystarǵa toqtaldy.
«Sońǵy jyldary Qyzylorda oblysynda óńdeý ónerkásibi 18,2%-ǵa artyp, óńirlik ónimdegi shaǵyn jáne orta biznestiń úlesi 21%-dan asty. Jylyna 11 myńnan astam jańa jumys orny qurylýda. Búginde 65 myńǵa jýyq shaǵyn jáne orta kásipkerlik sýbektisi jumys jasaidy. Munda 121 myńnan astam adam jumyspen qamtylǵan.
Kásipkerlerge qaitarymsyz granttardan bastap, jeńildetilgen nesieler men memlekettik sýbsidiialar berý arqyly investitsiialyq, qarjylyq, infraqurylymdyq qoldaý kórsetilýde. Biyl jeke kásipkerlikti qoldaýdyń barlyq kózinen 30 mlrd. teńgeden astam qarjy qarastyryldy.
Memleket basshymyz ekonomikanyń naqty sektoryn kedergisiz nesielendirý maqsatynda biznes sýbektileriniń qaryzdaryna kepildik berý júiesin engizýdi kózdeitin zańnamalyq aktige qol qoidy. Bul – kásipkerlerge úlken qoldaý! Endi biznes ókilderiniń ekinshi deńgeidegi bankterge kepil usyný múmkindigi bolmasa, oǵan arnaiy kepildik qorynyń qarjylandyrýy arqyly qol jetkize alady.
Barshańyzdy aldaǵy ýaqytta da óńirdiń áleýmettik-ekonomikalyq damýyna aianbai eńbek etýge, memlekettik baǵdarlamalarǵa belsendi qatysýǵa shaqyramyz. Aimaqtyq konkýrstyń jeńimpazdary respýblikalyq baiqaýda úzdikter qatarynan kórinip, Syr óńiriniń mereiin ústem etedi dep senemiz!», – dedi N.Nálibaev.
Baiqaýǵa ekonomikanyń túrli salasynan 67 taýar óndirýshi qatysty. Sarapshylardyń baǵalaýy boiynsha 9 jeńimpaz iriktelip, marapat ielerine noýtbýk syiǵa berildi.
«Óndiristik maqsattaǵy úzdik taýarlar» nominatsiiasy boiynsha tyńaitqysh óndirisi salasyndaǵy «Agrohimservis», tsement óndirisindegi «Kompaniia Gejýba Shieli Tsement» jáne shyny ónimderin shyǵaratyn «Orda Glass LTD» seriktestikteri jeńimpaz atandy.
Úzdik azyq-túlik taýarlary» nominatsiiasy boiynsha «Asyl dán LTD», «Tań LTD» kúrish óndirýshi seriktestikteri, «Ál Barakat DistrIbIýshn » jartylai fabrikat óndirýshi seriktestigi marapatqa ie boldy.
«Halyqqa arnalǵan úzdik taýarlar» nominatsiiasyn «Panabek», «Syr jihazy KZ», «Art-grýpp Servis» seriktestikteri jeńip aldy.
Saltanatty sharada Májilis depýtattary Marhabat Jaiymbetuly, Murat Abdýlamituly quttyqtaý sóz sóilep, baiqaýǵa qatysýshylarǵa sáttilik tiledi.
Is-shara kontserttik baǵdarlamaǵa ulasty.
