Búgin «Dostyq úii» alańynda 1 mamyr – Qazaqstan halqynyń birligi kúnine orai «Syr eli – tatýlyq pen kelisimniń mekeni» atty merekelik shara ótti. Alańda qolóner buiymdarynyń, jas sýretshiler týyndylarynyń kórmesi ashyldy. "Qustar festivali" de merekeniń sánin keltirip, jurtshylyqqa erekshe kóńil-kúi syilady,- dep habarlaidy Dalanews.kz
Oblys ákimi Nurlybek Nálibaev aimaq turǵyndaryn beibitshiliktiń, kelisimniń mereili meiramymen quttyqtady.
"Bir múdde, bir maqsat jolynda uiysyp, yntymaǵy jarasqan eldiń birligin saqtaý - barshamyzdyń azamattyq paryzymyz.
Prezidentimiz Qasym-Jomart Kemeluly «Egemendigimizdiń máńgilik úshtaǵany – baitaq jerimizdi, qasterli tilimizdi jáne bereke-birligimizdi kózdiń qarashyǵyndai saqtaýymyz kerek» - degen bolatyn.
Elimizdegi etnosaralyq dostyq pen birliktiń úlgisin álemge tanytqan, jalpyulttyq turaqtylyq pen qoǵamdyq kelisimniń qainar bulaǵy bolǵan Qazaqstan halqy Assambleiasynyń 30 jyldyq mereili merekesimen barshańyzdy quttyqtaimyn!"- dedi aimaq basshysy.
Nurlybek Mashbekuly jaqynda ǵana Memleket basshysynyń tóraǵalyǵymen ótken Qazaqstan halqy Assambleiasynyń sessiiasynda talqylanǵan máselelerge, bolashaqqa baǵyttalǵan tyń bastamalarǵa toqtaldy.
Prezidentimizdiń, Úkimettiń erekshe qoldaýymen, jerlesterimizdiń berekeli birliginiń arqasynda Syr óńirinde júzege asqan jańashyldyqtardy atap ótti.
Óńirimizdegi 30-dan astam etnos ókilderiniń ekonomika, mádeniet, sport, bilim, ǵylym salalarynyń damýyna, elimizdiń órkendeýine qosqan úlesin joǵary baǵalady.
"Barlyq aýdanda ishinde neke qiiý zaly, kitaphana, mýzei, arhiv, jastar, ardagerler men analar úii bar, quny 11 mlrd 500 mln teńge bolatyn «Rýhaniiat ortalyqtary" salynyp, eldiń yntymaǵyn nyǵaitýǵa baǵyttalǵan mańyzdy jobalar qolǵa alyndy. Ortalyqtardaǵy «Qoǵamdyq kelisim» kabinetteri etnos ókilderiniń mádeni-rýhani biregeiligin saqtaýǵa múmkindik beredi.
Memleket basshysy Qazaqstan halqy Assambleiasynyń XXXIV sessiiasynda sóilegen sózinde: «Byltyr elimizdiń rýhani jáne tarihi-mádeni ordasy – Túrkistanda jańa 'Dostyq úii" ashyldy. "Dostyq úileri" taǵy birneshe qala men aýdan ortalyǵynda ashylady dep josparlanýda. Men bul bastamany qoldaimyn. Biz qoǵamdyq kelisim infraqurylymyn birtindep keńeite berýimiz kerek» - degen bolatyn.
Biylǵy Assambleianyń 30 jyldyǵy aiasynda barshamyz úshin qýanyshty jańalyq - Qyzylorda qalasynda "Qazatomónerkásip" ulttyq kompaniiasynyń demeýshiligimen, quny 3 mlrd. 800 mln. teńgeni quraityn jańa «Dostyq úii» salynady. Osy sharadan keiin ózderińizben birge baryp, jańa ǵimarattyń irgetasyn qalaimyz", - dedi aimaq basshysy.
Merekede etnomádeni birlestikter músheleri Qazaqstan halqy Assambleiasynyń 30 jyldyǵyna arnalǵan medalmen marapattaldy.
Kontsertte Syr elindegi barlyq etnos ókilderi óner kórsetti, kópshilikke án-jyrdan shashý shashty. Ásirese, patriottyq ánder birlik pen tatýlyq uǵymyn ulyqtap, mán-maǵynasyn aishyqtai tústi.
