Búgin Qyzylorda qalasynda "With You Kyzylorda" JShS qatty turmystyq qaldyqtardy suryptaý, óńdeý jáne kádege jaratý zaýytynyń kapsýlasyn salý rásimi ótti. Oǵan QR Parlamenti Májilisiniń depýtattary Qaraqat Abden, Marhabat Jaiymbetov, Murat Ábenov, Murat Ergeshbaev, QR Ekologiia jáne tabiǵi resýrstar ministri Erlan Nysanbaev jáne ziialy qaýym ókilderi qatysty,- dep habarlaidy Dalanews.kz
Aimaq basshysy zaýyt qurylysyna sáttilik tilep, óńirde ekologiialyq ahýaldy jaqsartýǵa baǵyttalǵan bastamalardy atap ótti.
«Memleket basshysy Qasym-Jomart Kemelulynyń iri qalalarda qatty turmystyq qaldyqtardy qaita óńdeitin zaýyttar salý tapsyrmasyna sáikes oblysymyzda 96 mlrd. 100 mln. teńgege 10 joba júzege asyrylýda. Qaldyqtardy basqarý salasyna sheteldik investitsiialar men ozyq tehnologiialar tartýda Qyzylorda qalasynda halyqaralyq kompaniialardyń qatysýymen 2 iri joba boiynsha jumys bastaldy.
Sonyń biri - shyny zaýyty janynan nemis tehnologiiasymen 60 mlrd. teńgege jylyna 240 mln. shyny ydys shyǵaratyn zaýyt jobasy.
Bul respýblikadan jinalǵan shyny qaldyqtarynan joǵary sapaly otandyq ónim shyǵaryp, importty almastyrýǵa múmkindik beredi. Búgin quny 34 mlrd. 500 mln. teńge bolatyn, Ońtústik Koreia tehnologiiasyna negizdelgen qatty turmystyq qaldyqtardy suryptaý, óńdeý jáne kádege jaratý zaýytynyń irgetasy qalanýda.
Alǵashqy kezeńde 9 mlrd. 535 mln. teńgege qoldanystaǵy poligon jańǵyrtylyp, qýattylyǵy jylyna 300 myń tonnaǵa eseptelgen zamanaýi qaldyqtardy suryptaý kesheni salynady. Keshen zamanaýi qondyrǵylar, arnaiy tehnikalarmen jabdyqtalyp, poligonnyń qabyldaý qýattylyǵy 60 myń tonnadan 300 myń tonnaǵa deiin artpaq.
Qorshaǵan ortany qorǵaý – bul tek bilik pen uiymdardyń ǵana emes, kerisinshe árbir azamattyń jaýapkershiliginen bastalatyn is.
Órkenietti qoǵamda óz qoqystaryn suryptaý, sanaly tutyný, tazalyq aktsiialaryna qatysý turǵyndardyń kúndelikti ádetine ainalýy tiis. Ekologiialyq ahýaldy jaqsartýǵa baǵyttalǵan baiypty bastamalarymyz nátijeli bolǵai!», - dedi Nurlybek Mashbekuly.
Rásimde QR Ekologiia jáne tabiǵi resýrstar ministri Erlan Nuralyuly, QR Parlamenti Májilisiniń depýtattary Qaraqat Jaqsylyqqyzy, Murat Nálqojauly quttyqtaý sóz sóiledi.
Aita keteiik, «Taza Qazaqstan» baǵdarlamasy aiasynda óńirde ekologiialyq ahýaldy jaqsartý maqsatynda keshendi jumys júrgizilýde. Biýdjetten bólek, kásipkerlerdiń demeýshiligimen ortalyq alańdar, demalys jáne sport alańdary jańǵyrtylyp, áleýmettik nysandar zamanaýi úlgide jóndelýde. Demeýshilik esebinen 1 mlrd. teńgege Qyzylorda qalasyndaǵy ortalyq alań jańartyldy. Biyl 6,3 mlrd. teńgege qalalyq mádeni-demalys parki qaita jańǵyrtylyp, paidalanýǵa berildi. Oǵan qosa 14,7 mlrd. teńgege Prezident saiabaǵy jańǵyrtylyp, tamyz aiynda ashylady. Qala aýmaǵynda 992 gektar jerde jasyl beldeý qurý bastaldy. 2030 jylǵa deiin 2,5 mln. aǵash otyrǵyzyp, tuqymbaqtar men zerthana salý josparlanýda.
