QR Memlekettik qyzmet isteri mınıstrligi Sybaılas jemqorlyqqa qarsy is-qımyl ulttyq búrosynyń Qyzylorda oblystyq departamenti Qyzylorda qalasy memlekettik kirister basqarmasy bastyǵynyń orynbasary Q.Ábdireevti ustady. Bul týraly atalǵan búronyń baspasóz qyzmetinen habarlady.

Vedomstvo taratqan aqparatqa sáıkes, ol qyzmettik jaǵdaıyn paıdalana otyryp, «Keleshek-B» JSHS-nyń dırektory J.Qojantaevamen, «Beksultan-Qyzylorda» JSHS-nyń dırektory K.Tólegenovamen jáne azamatsha R.Baısaqalovamen aldyn ala sóz baılasyp, oryndalmaǵan jumystardyń esep-shot faktýralaryn jasaǵan. Osylaısha, Q.Ábdireev memleketke salyq tólemeý túrinde 64 mln. teńge shyǵyn ákelgen.

Munan bólek, ol «Keleshek-B» JSHS-ynyń salyq tóleýden jaltarýyna, al «Beksultan-Qyzylorda» JSHS-iniń qyzmetine zańsyz qamqorlyq kórsetý úshin 300 myń teńge para alǵan.

Q.Ábdireev óz kinásin tolyǵymen moıyndady. Sotqa deıingi tergeý amaldary júrgizilýde.

 

Derekkóz: kaz.caravan.kz