ق ر مەملەكەتتىك قىزمەت ىستەرى مينيسترلىگى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ قىزىلوردا وبلىستىق دەپارتامەنتى قىزىلوردا قالاسى مەملەكەتتىك كىرىستەر باسقارماسى باستىعىنىڭ ورىنباسارى ق.ابدىرەيەۆتى ۇستادى. بۇل تۋرالى اتالعان بيۋرونىڭ باسپا ءسوز قىزمەتىنەن حابارلادى.

ۆەدومستۆو تاراتقان اقپاراتقا سايكەس، ول قىزمەتتىك جاعدايىن پايدالانا وتىرىپ، «كەلەشەك-ب» جشس-نىڭ ديرەكتورى ج.قوجانتايەۆامەن، «بەكسۇلتان-قىزىلوردا» جشس-نىڭ ديرەكتورى ك.تولەگەنوۆامەن جانە ازاماتشا ر.بايساقالوۆامەن الدىن الا ءسوز بايلاسىپ، ورىندالماعان جۇمىستاردىڭ ەسەپ-شوت فاكتۋرالارىن جاساعان. وسىلايشا، ق.ابدىرەيەۆ مەملەكەتكە سالىق تولەمەۋ تۇرىندە 64 ملن. تەڭگە شىعىن اكەلگەن.

مۇنان بولەك، ول «كەلەشەك-ب» جشس-ىنىڭ سالىق تولەۋدەن جالتارۋىنا، ال «بەكسۇلتان-قىزىلوردا» ءجشس-ىنىڭ قىزمەتىنە زاڭسىز قامقورلىق كورسەتۋ ءۇشىن 300 مىڭ تەڭگە پارا العان.

ق.ابدىرەيەۆ ءوز كىناسىن تولىعىمەن مويىندادى. سوتقا دەيىنگى تەرگەۋ امالدارى جۇرگىزىلۋدە.

 

دەرەككوز: kaz.caravan.kz