Qyzylorda oblysynyń ákimi Nurlybek Nálibaev qala aýmaǵyndaǵy qurylys nysandaryn aralady, - dep habarlaıdy Dalanews.kz

Aımaq basshysy aldymen «Kórme zaly» ortalyǵynyń qurylys alańyna bardy.

Odan keıin nan, kondıterlik jáne makaron ónimderin óndiretin keshendegi jumyspen tanysty. Bul jobaǵa memlekettik qoldaý retinde 5 gektar jer berilip, sý jáne káriz júıelerin jetkizýge qarjy qarastyrylǵan. Jobanyń İ kezeńi bıyl iske qosylady. Qazirgi tańda jumystyń 80 paıyzy oryndalǵan. Nysanda 30-dan astam jumysshy eńbek etýde, 10-nan astam tehnıka bar.

Sol jaǵalaýdaǵy jańa stadıonnyń shyǵys jáne batys trıbýnalarynyń metal konstrýksıalary ornatylyp, qabyrǵalary men ishki bólikteri, syrtqy vıtrajdary qalanýda. Jylý, sý, elektr, jeldetý jelileri tartylýda. Qazirgi kezde fýtbol alańyn jabdyqtaý jáne aýmaqty abattandyrý jumystary qolǵa alynǵan.

Fızıka-matematıka mektep-ınternatynda ishki árleý jumystary aıaqtalýǵa jaqyn. Nysanda tehnıkalyq jabdyqtaý men aýmaqty abattandyrý qatar júrgizilýde. Qurylys basynda 150 jumysshy men 20 tehnıka bar.