Astanada Qazaqstan Respýblikasy Parlamenti Senatynyń sońǵy otyrysy ótti. Jiynda depýtattar birqatar zańdy maquldap, joǵarǵy palatanyń 30 jyldyq jumysyna qorytyndy jasady, dep habarlaidy dalanews.kz.
Senat tóraǵasy Máýlen Áshimbaevtyń aitýynsha, erteń Parlament palatalarynyń birlesken otyrysynda kezekti sessiia resmi túrde jabylady. Al 1 shildeden bastap jańa Konstitýtsiia kúshine enip, qazirgi Parlamenttiń ókilettigi toqtaidy.
Osylaisha, 1995 jylǵy Konstitýtsiia negizinde qurylǵan eki palataly Parlament óziniń tarihi missiiasyn aiaqtap otyr. Senat eldiń zań shyǵarý júiesinde 30 jyl boiy mańyzdy ról atqaryp, memlekettik basqarý men quqyqtyq reformalardyń júzege asýyna úles qosty.
"Qurmetti áriptester, bizdi damýdyń jańa kezeńi kútip tur. Alda aýqymdy ári kúrdeli mindetter bar. Parlament Senatynyń 30 jyldyq tájiribesin qamtityn jáne jumysyn jańa formatta bastaityn Quryltaiǵa aldaǵy qyzmetinde tabys tileimiz", – dedi Máýlen Áshimbaev.
Senat tóraǵasy sóz sońynda eldiń damýy men táýelsizdiktiń máńgi bolýyn tilep, barsha azamatty Qazaqstannyń igiligi úshin birlese eńbek etýge shaqyrdy.
"Elimiz gúldensin, táýelsizdigimiz máńgi bolsyn. Elimizdiń igiligi úshin bárimiz birge jumys isteiik", – dedi ol.
