Qyzylorda oblysynda eki turǵyn zańsyz kiik aýlaǵany úshin 6 jáne 7 jylǵa bas bostandyǵynan aiyryldy, dep habarlaidy Dalanews.kz.
Tergeý materialdary boiynsha, olar avtokólikpen kiikterdi qýyp, oq atyp, zańsyz aýlaǵan. Tekserý kezinde kólikterinen 30 keliden astam kiik eti men 5 kiiktiń basy tabylǵan. Saraptama nátijesinde memleketke 80 million teńgeden astam shyǵyn kelgeni anyqtaldy. Sottalýshylar bul somanyń 3 million teńgesin ótegen.
Sottyń habarlaýynsha, sottalýshylardyń biri quqyq qorǵaý organdarynyń qyzmetkeri bolǵan. Ol qyzmettik antyn buzyp, qylmys jasaǵany úshin onyń jazasy aýyrlatatyn mán-jai retinde eskerilgen.
“Sot eki azamatty Qylmystyq kodekstiń 337-baby, 6-bóligi, 2)-tarmaqshasy boiynsha kináli dep tanyp, árqaisysyn 7 jáne 8 jylǵa ań aýlaý quqyǵynan aiyra otyryp, 6 jáne 7 jylǵa bas bostandyǵynan aiyrý jazasyn taǵaiyndady. Sondai-aq olarǵa memleketke keltirilgen 77 million teńgeden astam materialdyq shyǵyndy óteý mindetteldi. Qyzylorda oblystyq soty bul úkimdi ózgerissiz qaldyrdy”, – delingen Joǵarǵy sottyń resmi habarlamasynda.
