Búgin oblys ákimi Nurlybek Nálibaevtyń qatysýymen Syrdariia ózeniniń sol jaǵalaýyndaǵy jańa qala aýmaǵynda boi kótergen 5 qabatty turǵyn úi kezekte turǵan otbasylarǵa tabystaldy. Saltanatty sharaǵa Parlament Senaty men Májilisiniń depýtattary Naýryzbai Baiqadamov, Rýslan Rústemov, Murat Ergeshbaev, ziialy qaýym ókilderi men el aǵalary qatysty,- dep habarlaidy Dalanews.kz
Aimaq basshysy óńirdiń áleýmettik-ekonomikalyq damýyndaǵy jetistikterge toqtalyp, jańa qonys ielerine quttyqtaýyn jetkizdi.
«Biyl ultymyzdyń tarihi «Qazaq» ataýynyń qaitarylǵanynyń, Qyzylordanyń Qazaq eli astanasy bolǵanynyń 100 jyldyǵy keń kólemde atalyp ótýde. Mereili jyl aiasynda aimaǵymyzda sáýleti kelisken, ásem de zamanýi ǵimarattar boi kóterip keledi. Bul - jyl saiyn tamyzdyń ekinshi jeksenbisinde kásibi merekelerin atap ótetin qurysh qoldy qurylysshylarymyzdyń qajyrly eńbeginiń nátijesi.
Búgin jerlesterimizdiń baspanaly bolý qýanyshyna ortaqtasyp, páter kiltin tabystaý rásimine jinaldyq. Aimaǵymyzda turǵyndardyń turmystyq jaǵdaiyn jaqsartýǵa baǵyttalǵan birqatar mańyzdy iri infraqurylymdyq jobalar bar. Oblys boiynsha 96 jobanyń qurylysy júrýde.
Jaqynda balalar men jasóspirimderge arnalǵan «Syr juldyzdary» shyǵarmashylyq-innovatsiialyq akademiiasy óz jumysyn bastady. Fizika-matematika baǵytyndaǵy «Bilim-innovatsiia» litsei-internaty, Qazanǵap atyndaǵy Qyzylorda mýzykalyq joǵary kolledjiniń jańa ǵimarattary el igiligine paidalanýǵa berildi. Oblystyq tarihi-ólketaný mýzeii saltanatty túrde ashyldy.
Prezidentimizdiń qoldaýymen Qyzylorda qalasynda 11 myń oryndyq jańa stadion, «Qazaqstan halqyna» qorynyń demeýshiligimen quny 2 mlrd. 900 mln. teńge bolatyn múmkindigi shekteýli jandarǵa arnalǵan dene shynyqtyrý-saýyqtyrý kesheniniń qurylysy qarqyndy júrýde. Syr jurtshylyǵy asyǵa kútken nysandar aldaǵy qyrkúiek aiynda ashylady.
Oblys ortalyǵynda kópbeiindi «Qyzylorda Arena» sport kesheni, Assambleianyń 30 jyldyǵy aiasynda «Qazatomónerkásip» ulttyq atom kompaniiasynyń» qoldaýymen jańadan «Dostyq úii» boi kóterýde.
«Taza Qazaqstan» respýblikalyq baǵdarlamasy aiasynda oblys ortalyǵynyń ozyq sáýlettik úlgisin qalyptastyryp, kópqabatty turǵyn úilerdiń aýlalaryn, saiabaqtar men mádeni-demalys oryndardy abattandyrýdamyz. Ortalyq alań qaita jańǵyrtýdan ótti. Qazirgi tańda shahardaǵy Prezident saiabaǵynda, Qorqyt Ata memorialdy alleiasynda qyzý jumys qarqyn alǵan. Jazdyń basynda qaita jańǵyrtýdan ótken qalalyq mádeni-demalys parki ashyldy. Aldaǵy ýaqytta oblys ortalyǵyndaǵy 50-ge jýyq park, skver, alleialardy kezeń-kezeńimen jańǵyrtamyz.
Baspanaly bolý árbir otbasyny jaqsylyqqa jeteleidi. Jańa baspanalaryńyzdyń irgetasy berik, qabyrǵasy myǵym, ishindegi ár otbasynyń shańyraǵy tatýlyq pen berekege toly bolǵai!», - dedi N. Nálibaev.
Rásimde Naýryzbai Baiqadamov jańa páter ielerine quttyqtaýyn jetkizip, qoǵam qairatkeri Baqbergen Dosmanbetov batasyn berdi. Sonymen qatar turǵyn úidi salǵan mamandar oblys ákiminiń Alǵys hatymen marapattaldy.
Aita keteiik, sońǵy úsh jylda oblysymyzda qarjylandyrýdyń barlyq kózderinen 2 mln. 500 myń sharshy metr turǵyn úi paidalanýǵa berildi.
Kezekte turǵan halyqtyń áleýmettik osal toptaryna, jalǵyz baspanasy apatty dep tanylǵan azamattarǵa 5 myńnan asa páter satyp alynyp, 25 myńǵa jýyq turǵyn qonys toiyn toilady.
Barlyq aýdan ortalyqtarynda jańadan salynǵan 1500-ǵa jýyq páter ielerine tabystaldy.
Biyl turǵyn úi qurylysy men jeke salýshylardan 3 800 daiyn páterdi satyp alýǵa biýdjetten qarjy bólindi.
Qarjylandyrýdyń barlyq kózderinen 870 myń sharshy metr turǵyn úi beriledi.
Qyzylorda qalasynyń ózinde sońǵy úsh jylda turǵyn úi qurylysy men páter satyp alýǵa 64 mlrd. 97 mln. teńge qaralyp, 5 600 páter jerlesterimizge tabystalǵan.
Biyl jyl sońyna deiin 3 myńǵa jýyq páter berý kózdelgen.
