Búgin oblys ákimi Nurlybek Nálibaevtyń qatysýymen R.Áliarystanuly atyndaǵy jeke mektepti memlekettik menshikke alý boiynsha memorandýmǵa qol qoiý rásimi ótti. Oǵan jaýapty sala basshylary, selektorlyq rejimde qala, aýdan ákimderi, ziialy qaýym ókilderi qatysty, dep habarlaidy Dalanews.kz.
Aimaq basshysy atqarylǵan aýqymdy jumystarǵa, sońǵy jyldary biýdjet qarjysynyń basym bóligi áleýmettik salaǵa, onyń ishinde bilim salasyna baǵyttalǵanyna toqtaldy.
«Óńirimizde Prezidentimizdiń, Úkimettiń erekshe qoldaýymen tyń bastamalar júzege asyrylýda. Jas urpaqtyń sapaly bilim alýy – jumysymyzdyń basty basymdyǵy. Bilim berý salasyna sońǵy 3 jylda 812 mlrd. 245 mln. teńge, biyl 302 mlrd. teńge qaraldy.
Bólingen qarjynyń túpkilikti maqsatqa jetýin qadaǵalaýdyń naqty sharalary qabyldanǵan. 2023 jyldan beri «Feis-baqylaý» mobildik qosymshasy qoldanysqa engizilip, balabaqshalarǵa jalǵan tirkelgen 19 263 bala anyqtaldy, 28 mlrd. 100 mln. teńge únemdeldi. Emhananyń jalǵan anyqtamasyn tirkeý, negizsiz demalys kúnderin anyqtaý esebinen 6 mlrd. 700 mln. teńge biýdjetke qaitaryldy.
Oblysta demografiialyq ósim men halyqtyń kóship-qoný belsendiligi joǵary bolǵandyqtan, oqýshy sanynyń jyl saiyn artqany baiqalady. Jańa oqý jylynda 1-11 synypta 189 288 oqýshy tirkeldi, ótken oqý jylymen salystyrǵanda 4 364 balaǵa kóbeigen.
Osy rette oryn qajettiligi jeke investitsiia esebinen de sheshimin tabýda. Jeke sektorǵa memleket tarapynan qoldaý jasalǵan. Biz óz kezegimizde taza, shynaiy jumys isteitin kásipkerlerdi únemi qoldap kelemiz.
Ótkende memleket jáne qoǵam qairatkeri Murat Baqtiiaruly biznestiń áleýmettik jaýapkershiligi aiasynda 2023 jyldyń qyrkúieginde ashylǵan «Orda skýl-2» jeke mektebin memleket menshigine syiǵa berdi. Búgin de dál sondai igi istiń kýási bolamyz.
Bizdiń eń birinshi mindetimiz – balalarymyzdyń jan-jaqty, sapaly bilim alýyna qolaily jaǵdai jasap, jaily orta qalyptastyrý. Óskeleń urpaq tárbiesimen ainalysatyn barsha bastamalaryńyzǵa sáttilik tileimin jáne ortaq jumysty birlesip atqarýǵa shaqyramyn!» – dedi N.Nálibaev.
Rásimde oblystyq bilim basqarmasynyń basshysy Asqarbek Esjanov pen R.Áliarystanuly atyndaǵy jeke mekteptiń quryltaishysy Shárkúl Imanberdieva mektep ǵimaratyn oblystyq kommýnaldyq menshikke berý týraly memorandýmǵa qol qoidy.
Sonymen birge Shárkúl Imanberdieva, memleket jáne qoǵam qairatkeri Baqbergen Dosmanbetov, «Ulaǵat» mektebiniń quryltaishysy, Qazaqstannyń eńbek sińirgen qairatkeri Qalqazbek Ájibekov sóz sóilep, jas urpaqqa sapaly bilim berýdiń mańyzdylyǵyna toqtaldy.
Aita ketý kerek, ótken jyly óńirde 13 bilim berý uiymy jańadan ashyldy. «Keleshek mektepteri» ulttyq jobasy aiasynda 10 mektep salynyp, paidalanýǵa berildi.
