Oblys ákimi Nurlybek Nálibaev quqyq qorǵaý organdarynyń basshylarymen birge Qyzylorda qalalyq polısıa basqarmasy jedel basqarý ortalyǵynyń ǵımaratyna júrgizilgen kúrdeli jóndeý jáne qaıta jańǵyrtý jumystarymen tanysty,- dep habarlaıdy Dalanews.kz

Qoǵamdyq qaýipsizdikti qamtamasyz etý jáne quqyq buzýshylyqtyń aldyn alýda jergilikti búdjet esebinen birqatar jobalardy júzege asyrý josparlanýda. Atap aıtqanda, 1400 beınebaqylaý kamerasy, 20 «Zıatkerlik qıylys» jáne 58 stasıonarlyq jyldamdyq ólshegish, jasandy ıntellektke negizdelgen beıneanalıtıkalyq júıe ornatylady.

Qazirgi ýaqytta jedel basqarý ortalyǵynyń ǵımaratyna kúrdeli jóndeý júrgizilip, tolyqtaı jańartylǵan. Ortalyqtyń basqarý zalyna beıneqabyrǵa, operatorlarǵa arnalǵan 15 avtomattandyrylǵan jumys orny men jańa jıhazdar qoıylǵan. Munan bólek, zamanaýı qural-jabdyqtarmen tolyqtyrylyp, beınekonferens baılanys júıesi iske qosylǵan.

Qyzylorda oblysynda respýblıkada alǵashqy bolyp barlyq aýdandyq polısıa bólimderinde jedel basqarý ortalyqtary ashyldy.

Atalǵan jobalardy júzege asyrý úshin 4 mlrd 550 mln teńgege búdjettik ótinim joldanyp, onyń 1 mlrd 382 mln teńgesi jergilikti búdjetten bólindi.