Qyzylorda oblysynda kúieýiniń ata-anasynyń atynan alaiaqtyq jolmen nesie rásimdegen kelinshekke qatysty sot úkimi shyqty, dep habarlaidy Dalanews.kz.
Qyzylorda qalasynyń №2 sotynda Qazaqstan Respýblikasynyń Qylmystyq Kodeksiniń 190-babynyń 3-bóliginiń 1),4)-tarmaqtarymen sottalýshy E.-ge qatysty qylmystyq is qaraldy.
“Sottalýshy E. uialy telefonyndaǵy mobildi qosymshasy arqyly qaiyn atasy men enesiniń aqparattyq júieden beihabar ekenin, qarttyq jasyn paidalanyp, beinekameraǵa túsirý arqyly esepshottaryna zańsyz kirip, uialy telefonyndaǵy “Halyk bank” mobildi qosymshasy arqyly qaiyn atasy J.-nyń atynan 4 626 167 teńge, enesi K.-niń atynan “Kaspi. kz” mobildi qosymshasy arqyly zańsyz kirip, 2 190 000 teńge múliktik nesieler rásimdep, ony aqshaǵa ainaldyryp, bas paidasyna jaratqan”, - dep habarlaǵan oblystyq sot Kazinform agenttigine.
Nátijesinde, jábirlenýshiler J.-ǵa 4 626 167 teńge, K.-ge 2 190 000 teńge múliktik shyǵyn keltirgeni belgili boldy.
Sottalýshynyń qylmystyq áreketi óziniń kinásin moiyndaǵan jaýabymen, jábirlenýshilerdiń jaýaptarymen, banktik anyqtamalarmen, aýdarym túbirtekterimen jáne is boiynsha basqa da qujattarmen dáleldengen. Sottalýshy E. men jábirlenýshiler J. jáne K. arasynda kináni moiyndaý týraly mámile nysanyndaǵy protsestik kelisim jasalǵan.
Basty sot talqylaýynda jábirlenýshi J. sottalýshy E.-den 4 626 167 teńge zalaldy óndirýdi suraǵan, al jábirlenýshi K. talap qoiýdan bas tartqan.
Sot úkimimen sottalýshy E. Qazaqstan Respýblikasynyń QK-niń 190-baby 3-bóligi 1), 4)-tarmaqtarymen kináli dep tanylyp, 3 jyl 6 ai merzimge bas bostandyǵyn shekteý jazasy taǵaiyndalyp, probatsiialyq baqylaý belgilengen.
Azamattyq jaýapker E.-den azamattyq talapker J.-nyń paidasyna 4 626 167 teńge óndirilgen.
