Qyzylordada asa iri mólsherde esirtki zatyn tasymaldaǵan oblys turǵyny ustaldy, dep habarlaidy Dalanews.kz.
Patrýldik politsiia inspektorlary Samara-Shymkent tas jolynyń Aral aýdany aýmaǵynyń tusynda qyzmet atqarý barysynda jol qozǵalysy erejesin buzǵan jeńil avtokólikti toqtatqan.
“Tekserý barysynda avtokóliktiń júk salǵyshynan jolaýshyǵa tiesili birneshe bólikterge bólinip, salynǵan erekshe iisi bar shóp untaqtary anyqtaldy. Saraptama qortyndysyna sáikes anyqtalǵan zat salmaǵy 1,8 kg. keptirilgen marihýana ekeni belgili boldy. Bul asa iri mólsherge jatady”, - delingen habarlamada.
Atalǵan derek boiynsha sotqa deiingi tergep-tekserý áreketteri júrgizilýde. 57 jastaǵy oblys turǵyny sot sanktsiiasymen ýaqytsha ustaý izoliatoryna 2 ai merzimge oqshaýlandyryldy.
